మూడేండ్లు ఫుల్‌ బిజీ

23 November 2026 - 00:30
0 0
మూడేండ్లు ఫుల్‌ బిజీ
01

కోలీవుడ్‌ అగ్ర హీరో సూర్యకు ప్రస్తుతం మహర్దశ నడుస్తున్నది. కరుప్పు, విశ్వనాథం అండ్‌ సన్స్‌, సీన్‌ చిత్రాల విజయాలతో హ్యాట్రిక్‌ అందుకున్న ఆయన.. ప్రస్తుతం స్ట్రాంగ్‌ లైనప్‌తో దూసుకుపోతున్నారు. ప్రెజెంట్‌ జ్ఞానవేల్‌ దర్శకత్వంలో సినిమా చేస్తున్నారు సూర్య. వీరిద్దరి ‘జైభీమ్‌’ చిత్రం ఓటీటీలో విడుదలై సంచలన విజయం సాధించిన విషయం తెలిసిందే. మళ్లీ సూర్య, జ్ఞానవేల్‌ కాంబినేషన్‌ అనగానే ఆడియన్స్‌లో అంచనాలు తారాస్థాయికి చేరాయి. ఈసారి కూడా ఓ సామాజిక అంశాన్నే కథావస్తువుగా తీసుకున్నారట జ్ఞానవేల్‌. ఇది సూర్య 48వ చిత్రం కావడం విశేషం. ఈ సినిమా తర్వాత ‘డీసీ’ఫేం అర్జున్‌ మాదేశ్వరన్‌ దర్శకత్వంలో తన 49వ సినిమా చేస్తారు సూర్య. ఇక సూర్య 50వ సినిమాపై ఓ ఆసక్తికరమైన వార్త కోలీవుడ్‌లో వినిపిస్తున్నది.

‘కరుప్పు’ సీక్వెల్‌ని తన 50వ సినిమాగా చేయాలనే ఆలోచనలో ఉన్నారట సూర్య. ‘కరుప్పు’ ైక్లెమాక్స్‌లో సీక్వెల్‌ ఉండబోతున్నదని హింట్‌ ఇచ్చారు దర్శకుడు ఆర్జే బాలాజీ. ప్రస్తుతం ఆ సినిమాకు సంబంధించిన కసరత్తులు మొదలయ్యాయి. మరోవైపు తెలుగులో కూడా సూర్యకు మంచి ఆఫర్లే ఉన్నాయి. ఇప్పటికే గీతా ఆర్ట్స్‌లో ఓ సినిమా చేసేందుకు ఒప్పందం కుదిరిందని సమాచారం. ప్రస్తుతం దర్శకుని కోసం అన్వేషణ జరుగుతున్నదట. అలాగే టాలీవుడ్‌ అగ్ర దర్శకుడు త్రివిక్రమ్‌ కూడా సూర్య కోసం ఓ కథ రాసే పనిలో ఉన్నారు. మొత్తంగా ఓ మూడ్నాలుగేళ్లు సూర్య ఫుల్‌ బిజీ బిజీ.

Comments (0)

User