Vishwambhara | ఎట్టకేలకు ఊపందుకున్న మెగాస్టార్ ‘విశ్వంభర’.. ట్రైలర్ రెడీ, రిలీజ్ డేట్ ఎప్పుడో?

మెగాస్టార్ చిరంజీవి హీరోగా, దర్శకుడు వశిష్ఠ తెరకెక్కిస్తున్న ఫాంటసీ సినిమా ‘విశ్వంభర’ కోసం అభిమానులు ఎంతో ఆసక్తిగా ఎదురుచూస్తున్నారు. కొంతకాలంగా ఈ సినిమా విడుదల ఆలస్యం అవుతూ రావడంతో ఫ్యాన్స్లో కాస్త నిరాశ కనిపించింది. కానీ ఇప్పుడు మళ్లీ ఈ ప్రాజెక్ట్ ఊపందుకుంది. తాజా సమాచారం ప్రకారం, ‘విశ్వంభర’ ట్రైలర్ కట్ ఇప్పటికే సిద్ధంగా ఉందట. మరోవైపు డబ్బింగ్ పనులను కూడా చిత్రబృందం చాలా వేగంగా పూర్తి చేస్తోంది. దీంతో సినిమా పనులు దాదాపు ఓ కొలిక్కి వచ్చినట్లే కనిపిస్తోంది.
ఇప్పుడు అందరి దృష్టి సినిమా విడుదల తేదీపైనే ఉంది. ఇప్పటివరకు రిలీజ్ డేట్ విషయంలో రకరకాల వార్తలు వినిపించినా, అధికారిక ప్రకటన మాత్రం రాలేదు. ట్రైలర్, డబ్బింగ్ పనులు వేగంగా జరుగుతుండటంతో, త్వరలోనే రిలీజ్ డేట్పై కూడా స్పష్టత వస్తుందని ఫ్యాన్స్ ఆశిస్తున్నారు. నిర్మాతలు ట్రైలర్తో పాటు విడుదల తేదీని ఎప్పుడు ప్రకటిస్తారో చూడాలి. ఈ సినిమాలో చిరంజీవి సరసన త్రిష నటిస్తుండగా, ఆషికా రంగనాథ్ కీలక పాత్రలో కనిపించనున్నారు. కీరవాణి, గౌర హరి సంగీతం అందిస్తున్నారు. ఫాంటసీ కథకు కీరవాణి మ్యూజిక్ పెద్ద ప్లస్ అవుతుందని భావిస్తున్నారు. యూవీ క్రియేషన్స్ భారీ బడ్జెట్తో ఈ చిత్రాన్ని నిర్మిస్తోంది. చాలా రోజుల తర్వాత వస్తున్న ఈ అప్డేట్లతో మెగా అభిమానుల్లో మళ్లీ జోష్ మొదలైంది.
Comments (0)