టిప్పర్ ఢీకొని మహిళా ప్రిన్సిపాల్, ఉపాధ్యాయురాలు మృతి

– సూర్యాపేటలో ఘోర రోడ్డు ప్రమాదం
– స్కూటీపై వెళ్తుండగా ఘటన
సూర్యాపేట టౌన్, నవంబర్ 20 : సూర్యాపేట పట్టణ పరిధిలోని బీబీగూడెం నుండి మార్కెట్కు వెళ్లే మార్గంలో శుక్రవారం ఘోర రోడ్డు ప్రమాదం చోటుచేసుకుంది. స్కూటీపై ప్రయాణిస్తున్న ఇద్దరు మహిళలను టిప్పర్ వాహనం ఢీకొట్టడంతో వారు అక్కడికక్కడే మృతి చెందారు. మృతులను చివ్వెంల మినీ గురుకులంలో ప్రిన్సిపాల్గా పని చేస్తున్న రజితా రెడ్డి, అదే పాఠశాలలోఉపాధ్యాయురాలిగా పని చేస్తున్న రక్మగా గుర్తించారు. ఒకే విద్యాసంస్థలో పని చేస్తున్న ఇద్దరు మహిళా ఉపాధ్యాయులు రోడ్డు ప్రమాదంలో ప్రాణాలు కోల్పోవడంతో తీవ్ర విషాదఛాయలను నింపింది. ఈ ఘటనతో వారి కుటుంబ సభ్యులు, సహచర ఉపాధ్యాయులు తీవ్ర దిగ్భ్రాంతికి గురయ్యారు. ప్రమాదానికి గల పూర్తి కారణాలు, ఇతర వివరాలు తెలియాల్సి ఉంది. పోలీసులు ఘటనపై దర్యాప్తు చేపట్టారు.
Comments (0)