Yadagirigutta | యాదగిరిగుట్టలో వైభ‌వంగా స్వాతి నక్షత్ర వేడుకలు

యాదగిరిగుట్ట : యాదగిరిగుట్ట శ్రీ లక్ష్మీ నరసింహ స్వామివారి జన్మ నక్షత్రమైన స్వాతి నక్షత్రం పురస్కరించుకొని యాదగిరిగుట్ట పుణ్యక్షేత్రంలో సోమవారం ప్రత్యేక పూజా కార్యక్రమాలు ఘనంగా నిర్వహించారు. స్వామివారి జన్మ నక్షత్ర సందర్భంగా ఆలయ అర్చకులు వేద మంత్రోచ్ఛారణల నడుమ స్వామివారికి వైభవంగా అష్టోత్తర శతఘటాభిషేకం జరిపించారు. గిరి ప్రదక్షిణ మహోత్సవంలో వేలాది సంఖ్యలో భక్తులు పాల్గొని గోవింద నామస్మరణతో గిరి ప్రదక్షిణ చేశారు.

ఈ సందర్భంగా ఏర్పాటు చేసిన గిరి ప్రదక్షిణ మహోత్సవంలో ప్రభుత్వ విప్ బీర్ల ఐలయ్య ముఖ్య అతిథిగా పాల్గొన్నారు. కొండ కింద గల వైకుంఠ ద్వారం వద్ద ఆలయ కార్యనిర్వాహణాధికారి భవాని శంకర్ తో కలసి ప్రత్యేక పూజలు నిర్వహించి గిరి ప్రదక్షిణను చేశారు. ఈ కార్యక్రమంలో దేవస్థాన అధికారులు, సిబ్బంది, అర్చకులు, భక్తులు పెద్ద సంఖ్య‌లో పాల్గొన్నారు.