Vijay Sethupathi | అంతర్జాతీయ వేదికపై అరుదైన ఘనత.. ఎమ్మీ అవార్డ్స్‌ ప్రెజెంటర్‌గా విజయ్ సేతుపతి!

తమిళ స్టార్ హీరో, ‘మక్కల్ సెల్వన్’ విజయ్ సేతుపతి అంతర్జాతీయ స్థాయిలో మరో అరుదైన మైలురాయిని అందుకోనున్నారు. అమెరికాలోని న్యూయార్క్ నగరంలో ప్రతిష్టాత్మకంగా జరగనున్న 54వ ఇంటర్నేషనల్ ఎమ్మీ అవార్డ్స్ వేడుకలో ఆయన అవార్డు ప్రెజెంటర్‌గా వ్యవహరించనున్నారు. ఈ వేదికపై అవార్డును ప్రెజెంట్ చేయనున్న మొదటి భారతీయ నటుడిగా విజయ్ సేతుపతి చరిత్ర సృష్టించనున్నారు. సాధారణ నటుడిగా ప్రయాణం ప్రారంభించి, తన అద్భుతమైన నటన, విభిన్న పాత్రలతో గ్లోబల్ స్థాయిలో గుర్తింపు తెచ్చుకున్న ఆయన.. ఇప్పుడు కోలీవుడ్‌తో పాటు యావత్ భారతీయ సినీ పరిశ్రమ గర్వపడేలా చేశారు.

నవంబర్ 23న జరగనున్న ఈ వేడుకలో ప్రపంచవ్యాప్తంగా ఉన్న ప్రముఖులు పాల్గొననున్నారు. ఈ ఏడాది ఇంటర్నేషనల్ ఎమ్మీ అవార్డుల రేసులో భారతీయ ప్రాజెక్టులు కూడా పోటీపడుతుండటం విశేషం. ఈ తరుణంలో విజయ్ సేతుపతి ఈ వేదికపై అడుగుపెడుతుండటంతో ఆయన అభిమానులు, సినీ ప్రముఖులు సోషల్ మీడియా వేదికగా అభినందనలు తెలుపుతున్నారు.