Tanzania | టాంజానియాలో టీసీఏ ఆధ్వర్యంలో ఘనంగా బతుకమ్మ సంబరాలు

టాంజానియా: తెలంగాణ ఆడపడుచులు జరుపుకునే పూల పండుగ బతుకమ్మ వేడుకలు (Bathukamma Celebrations ) టాంజానియా ( Tanzania ) లోని దార్ ఎస్ సలాం నగరంలో ఘనంగా నిర్వహించారు. నగరంలోని ప్రముఖ్ సదన్ భవన్‌లో తెలంగాణ కల్చరల్ అసోసియేషన్ (TCA) ఆధ్వర్యంలో నిర్వహించిన ఈ వేడుకలకు భారత హైకమిషనర్ బిశ్వదీప్ దే ( Bishwadip Dey ) హాజరై జ్యోతి ప్రజ్వలన చేసి వేడుకలను ప్రారంభించారు.

ఈ వేడుకల్లో దాదాపు 600 మంది ప్రవాస భారతీయులు పాల్గొన్నారు. తెలంగాణ ఆడ పడుచులు తొమ్మిది రకాల పూలతో అత్యంత భక్తి శ్రద్ధలతో బతుకమ్మను పేర్చి, సాంప్ర దాయ వస్త్రధారణలో బతుకమ్మ పాటలు పాడుతూ, కోలాటం ఆడుతూ తెలంగాణ సంస్కృతి ఉట్టిపడేలా సంబరాలు జరుపుకున్నారు. మహిళలు, చిన్నారులు ప్రదర్శించిన సాంప్రదాయ నృత్యాలు అందరినీ ఆకట్టుకున్నాయి.

తెలుగు ప్రజలు పెద్ద సంఖ్యలో పాల్గొని పండుగను విజయవంతం చేసినందుకు అసోసియేషన్ సభ్యులు హర్షం వ్యక్తం చేశారు.ఈ కార్యక్రమంలో తెలంగాణ కల్చరల్ అసోసియేషన్ కమిటీ చైర్మన్ సైదులు, వైస్ చైర్మన్ సంపత్ , ఎగ్జిక్యూటివ్ కమిటీ సభ్యులు వంగ నర్సింహారెడ్డి, సురేందర్ సీలం, సంతోష్ రెడ్డి పటోళ్ల, సంతోష్ రెడ్డి, మధు రెడ్డి, సూర్య మోహన్ రెడ్డి, ప్రవీణ్, మహేష్ రెడ్డి , కమిటీ సభ్యులు రమేష్, శరత్, రేవంత్, సాయి కృష్ణ, శ్రవణ్, శ్రీనివాస్, కార్తిక్ తదితరులు పాల్గొన్నారు.