MP Helen Haines: కారుతో అటాక్‌.. గాయ‌ప‌డ్డ ఆస్ట్రేలియా ఎంపీ

క్యాన్‌బెరా: ఆస్ట్రేలియా ఎంపీ హెల‌న్ హెయిన్స్‌(MP Helen Haines)ను కారుతో ఢీకొట్టారు. దీంతో ఆమెకు తీవ్ర గాయాల‌య్యాయి. ఈ ఘ‌ట‌న‌ను దాడిగా వ‌ర్ణించారు ఆస్ట్రేలియా ప్ర‌ధాని ఆంథోనీ ఆల్బ‌నీస్‌. మెల్‌బోర్న్‌కు సుమారు 200 కిలోమీట‌ర్ల దూరంలో ఉన్న వాన్‌గ‌ర‌ట్టాలోని ఆమె ఆఫీసు ముందే ఈ ఘ‌ట‌న జ‌రిగింది. 65 ఏళ్ల హెల‌న్‌కు తీవ్రంగా గాయాలు అయిన‌ట్లు విక్టోరియా తాత్కాలిక పోలీసు చీఫ్ ఆష్లే మాస‌న్ తెలిపారు. కారు దాడి ఘ‌ట‌న‌లో 43 ఏళ్ల డ్రైవ‌ర్‌ను అదుపులోకి తీసుకున్నారు. ఆ కారులో ఓ క‌త్తిని కూడా గుర్తించిన‌ట్లు పోలీసులు చెప్పారు. ఇదేమీ యాక్సిడెంట్ కాదు అని, కావాల‌నే ఈ దాడికి ప్ర‌య‌త్నించార‌ని ప్ర‌ధాని ఆల్బ‌నీస్ పేర్కొన్నారు. ఎంపీ హెల‌న్ త్వ‌ర‌గా కోలుకోవాల‌ని ఆశిస్తున్న‌ట్లు ఆయ‌న చెప్పారు. అయితే దాడి చేసిన వ్య‌క్తి వెనుక ఉన్న ఉద్దేశం ఏంటో ఇంకా తెలియ‌దు. ఇటీవ‌ల ఆస్ట్రేలియాలో రాజ‌కీయ‌వేత్త‌ల‌కు బెదిరింపులు ఎక్కువయ్యాయి. చ‌ట్ట‌స‌భ ప్ర‌తినిధుల‌ను బెదిరిస్తున్న గ్రూపుల‌ను ప‌ట్టుకునేందుకు ప్ర‌త్యేక బృందాల‌ను ఏర్పాటు చేశారు.