Miami Airport | మియామి ఎయిర్‌పోర్టులో రెండు విమానాలు ఢీ.. ఇద్ద‌రికి గాయాలు..!

Miami Airport : అమెరికా (USA) లో విమానాల రాకపోకలు నిలిచిపోవడంతో శుక్ర‌వారం తీవ్ర గందరగోళం నెలకొన్న‌ది. శుక్ర‌, శ‌నివారాల్లో విమానాశ్రయాల్లో లక్షలాది మంది ప్రయాణికులు చిక్కుకుపోయారు. ఈ ఘ‌ట‌నను మ‌రువ‌క‌ముందే శనివారం రాత్రి మియామి అంతర్జాతీయ విమానాశ్రయంలోని టార్మాక్‌పై రెండు విమానాలు ఢీకొన్నాయి. ర‌న్‌వేపై మ‌లుపు తిరుగుతున్న‌ ఒక విమానం రెక్క కొన‌ వెనుక‌నున్న విమానం ముక్కుకు త‌గిలింది.

శ‌నివారం రాత్రి 9:15 గంటల స‌మ‌యంలో చోటుచేసుకున్న ఈ ఘ‌ట‌న ఆల‌స్యంగా వెలుగులోకి వ‌చ్చింది. ఈ ఘ‌ట‌న‌లో ఇద్ద‌రికి గాయాల‌య్యాయి. పనామా సిటీ నుంచి 166 మంది ప్రయాణికులు, ఆరుగురు సిబ్బందితో వచ్చిన‌ కోపా ఎయిర్‌లైన్స్ బోయింగ్ 737 విమానం రెక్క కొన.. ఎయిర్‌పోర్టు టాక్సీవేలపై కదులుతున్న యూపీఎస్ బోయింగ్ 767 కార్గో విమానం ముక్కును ఢీకొట్టింద‌ని అధికారులు తెలిపారు.

ఈ ప్రమాదంలో ఇద్దరు గాయపడ్డారని కోపా ఎయిర్‌లైన్స్ ఆదివారం వెల్ల‌డించింది. వారు చికిత్స పొందుతున్నార‌ని ప్రాణాపాయం లేద‌ని తెలిపింది. ఈ ఘ‌ట‌న జ‌రిగినందుకు తాము చింతిస్తున్నామ‌ని పేర్కొన్న‌ది.

JUST IN: UPS Boeing 767 collides with Copa Airlines 737 while taxiing at Miami International Airport in Florida, according to local radio station WMEN.

“Yeah, we went too far and he clipped us with the wing,” according to ATC audio. https://t.co/ogPvmAIhfA

— AZ Intel (@AZ_Intel_) November 15, 2026