Tirumala | తిరుమలలో పెరిగిన భక్తుల రద్దీ..నిన్న ఒక్కరోజే 83,670 మంది దర్శనం
తిరుమల : ఏడు కొండలవాడా వేంకటరమణ గోవిందా..గోవిందా అంటూ తిరుమల ( Tirumala ) కొండపై భక్తుల రద్దీ పెరిగింది. వివిధ ప్రాంతాల నుంచి వచ్చిన భక్తులతో ఆదివారం కంపార్టుమెంట్లు (Compartments ) అన్నీ నిండిపోయి శిలాతోరణం వరకు క్యూలైన్‌లో నిలబడ్డారు. టోకెన్లు లేని భక్తులకు 18 గంటల్లో సర్వదర్శనం అవుతుందని టీటీడీ అధికారులు వివరించారు.
శనివారం ఒక్కరోజే 83,670 మంది భక్తులు స్వామివారిని దర్శించుకోగా 35,785 మంది తలనీలాలు సమర్పించుకున్నారు.భక్తులు సమర్పించుకున్న కానుకల వల్ల హుండీకి రూ. 4.02 కోట్లు ఆదాయం వచ్చిందన్నారు. 4.32 లక్షల లడ్డూలను విక్రయించగా 4.32 లక్షల మందికి అన్నప్రసాదం అందించామని వెల్లడించారు.
Comments (0)