Tragedy | అనకాపల్లి జిల్లాలో విషాదం..నదిలో స్నానానికి దిగి ముగ్గురు యువకులు మృతి
అమరావతి : ఏపీలోని అనకాపల్లి జిల్లాలో విషాదం (Tragedy ) చోటు చేసుకుంది. ఎస్‌ రాయవరం మండలం పెనుగల్లులో వరాహ నదిలో స్నానానికి దిగి గల్లంతైన ముగ్గురు యువకులు( Three Youth ) మృతి చెందారు. శనివారం నదిలో స్నానానికి దిగిన ఆరుగురిలో ముగ్గురు గల్లంతయ్యారు.
నది ప్రవాహం నుంచి ముగ్గురు యువకులు సురక్షితంగా బయటపడగా గల్లంతైన ముగ్గురు మృతదేహాలు ఆదివారం లభ్యమయ్యాయి. కాతేటి రిషి (18 ) , ముప్పిడి వంశీ(20), కోడి గణేష్‌ (20) గా పోలీసులు గుర్తించారు. ముగ్గురు యువకులు మృతి పట్ల హోంమంత్రి అనిత దిగ్ర్భాంతిని వ్యక్తం చేశారు. మృతుల కుటుంబాలకు ప్రగాఢ సానుభూతిని తెలిపారు.
Comments (0)