Ramayana | రామాయణం బాక్సాఫీస్ డే 10.. రూ. 1200 కోట్ల క్లబ్‌లో చేరిన రణ్‌బీర్-యశ్ చిత్రం

15 November 2026 - 15:00
0 0
Ramayana | రామాయణం బాక్సాఫీస్ డే 10.. రూ. 1200 కోట్ల క్లబ్‌లో చేరిన రణ్‌బీర్-యశ్ చిత్రం
Ramayanam

రామాయణం బాక్సాఫీస్ వద్ద పది రోజుల్లోనే రూ. 1200 కోట్ల మార్క్‌ను దాటేసింది. నితీశ్ తివారి దర్శకత్వంలో రణ్‌బీర్ కపూర్, యశ్ ప్రధాన పాత్రల్లో నటించిన ఈ చిత్రం నవంబర్ 5న థియేటర్లలో విడుదలైంది. ప్రపంచవ్యాప్తంగా అద్భుతమైన వసూళ్లను సాధిస్తూ ఈ సినిమా సంచలనం సృష్టిస్తోంది. వాల్మీకి రామాయణం ఆధారంగా తెరకెక్కిన ఈ చిత్రంలో రణ్‌బీర్ కపూర్ రాముడిగా, సాయి పల్లవి సీతగా, యశ్ రావణాసురుడిగా, రవి దూబే లక్ష్మణుడిగా, సన్నీ డియోల్ హనుమంతుడిగా న నటించారు. పది రోజుల్లో ఈ సినిమా ప్రపంచవ్యాప్తంగా రూ. 1,228 కోట్లు రాబట్టింది. ఇందులో ఇండియా గ్రాస్ రూ. 819.50 కోట్లు కాగా, ఓవర్సీస్ మార్కెట్ నుంచి రూ. 408.50 కోట్లు వచ్చాయి. భారత్‌లో ఈ సినిమా నెట్ కలెక్షన్స్ రూ. 685.60 కోట్లకు చేరాయి. కేవలం పదో రోజునే ఇండియాలో రూ. 72.90 కోట్ల నెట్ వసూళ్లను సాధించింది.

ఈ చిత్ర హిందీ వెర్షన్ రూ. 527.25 కోట్లు రాబట్టగా, కన్నడ వెర్షన్ రూ. 57.35 కోట్లు, తెలుగు వెర్షన్ రూ. 44.90 కోట్లు, తమిళ వెర్షన్ రూ. 29.65 కోట్లు, మలయాళ వెర్షన్ రూ. 26.45 కోట్ల వసూళ్లను సాధించాయి. రెండు భాగాలుగా తెరకెక్కుతున్న ఈ సినిమా మొదటి భాగం నవంబర్ 5న విడుదల కాగా, రెండో భాగం 2028 దీపావళికి విడుదల కానుంది.

 

 

Comments (0)

User