Lateef Bhat: మ‌సీదులో దాక్కున్న ల‌తీఫ్ భ‌ట్‌.. కుల్గాం ఎన్‌కౌంట‌ర్‌లో హ‌తం

18 November 2026 - 12:00
0 0
Lateef Bhat: మ‌సీదులో దాక్కున్న ల‌తీఫ్ భ‌ట్‌.. కుల్గాం ఎన్‌కౌంట‌ర్‌లో హ‌తం
Lateefkilled

శ్రీన‌గ‌ర్‌: ల‌ష్క‌రే తోయిబా క‌మాండ్ ల‌తీఫ్ భ‌ట్‌(Lateef Bhat).. జ‌మ్మూక‌శ్మీర్‌లో జ‌రిగిన ఎన్‌కౌంట‌ర్‌లో హ‌త‌మ‌య్యాడు. కుల్గాం జిల్లాలో ఇవాళ ఉద‌యం ఎన్‌కౌంట‌ర్ జ‌రిగింది. ఎన్‌కౌంట‌ర్ సైట్ వ‌ద్ద అత‌ని మృతదేహాన్ని గుర్తించారు. మ‌రో వైపు ఎన్‌కౌంట‌ర్ ఆప‌రేష‌న్ కొన‌సాగుతోంది. ఆప‌రేష‌న్‌కు చెందిన ఫైన‌ల్ రిపోర్టును ఆర్మీ వ‌ర్గాలు వెల్ల‌డించ‌నున్నాయి. ఎన్‌కౌంట‌ర్ స‌మ‌యంలో భ‌ట్ దాచుకున్న మ‌సీదుకు ఎటువంటి డ్యామేజ్ జ‌ర‌గ‌లేద‌న్నారు. మోస్ట్ వాంటెడ్ ల‌ష్క‌రే ఉగ్ర‌వాదుల్లో ల‌తీఫ్ భ‌ట్ ఒకడు. క‌శ్మీర్‌లోని స్థానిక స‌జీవ ఉగ్ర‌వాది కూడా అత‌నే. కుల్గాంలో ఎన్‌కౌంట‌ర్ సైట్ నుంచి త‌ప్పించుకున్న అత‌న్ని భ‌ద్ర‌తా ద‌ళాలు వెంబ‌డించాయి.

జంగ‌ల్‌పురా గ్రామంలో ఆప‌రేష‌న్ స‌మ‌యంలో లొంగిపోవాల‌ని వీడియో కాల్ ద్వారా భ‌ద్ర‌తా బ‌ల‌గాలు కోరాయి. కానీ ల‌తీఫ్ నిరాక‌రించాడు. ఆయుధాలను వీడాల‌ని సెక్యూర్టీ బ‌ల‌గాలు కోరుతున్న వీడియోలు సోష‌ల్ మీడియాలో వైర‌ల్ అయ్యాయి. మ‌సీదులో ఇవాళ ఉద‌యం ప్రార్థ‌న‌లు ముగిసిన త‌ర్వాత ఎన్‌కౌంట‌ర్ ప్రారంభ‌మైంది. సోమ‌వారం రోజు మ‌రో ఉగ్ర‌వాది ఉమ‌ర్ నిసార్ దార్ భ‌ద్ర‌తా బ‌ల‌గాల కాల్పుల్లో ప్రాణాలు విడిచిన విష‌యం తెలిసిందే.

11వ తేదీన సీఆర్పీఎఫ్ పోస్టుపై దాడి ఘ‌ట‌న‌లో దార్, భ‌ట్ నిందితులు. పాక్‌లోని ల‌ష్క‌రే తోయిబాకు చెందిన ద రెసిస్టెన్స్ ఫ్రంట్‌లో దార్ ఇటీవ‌లే చేరాడు. గ‌డిచిన ఆరు నెల‌ల నుంచి భ‌ట్‌కు ధార్ షెల్ట‌ర్ ఏర్పాటు చేశారు.

Comments (0)

User