Lateef Bhat: లష్కరే ఉగ్రవాదితో వీడియో కాల్.. లొంగిపోయేందుకు లతీఫ్ భట్ నిరాకరణ

శ్రీనగర్: జమ్మూకశ్మీర్లోని కుల్గామ్ జిల్లాలో ఇవాళ ఉదయం భద్రతా దళాలు, ఉగ్రవాదుల మధ్య ఎన్కౌంటర్ జరిగింది. లష్కరే తోయిబా ఉగ్రవాది లతీఫ్ భట్(Lateef Bhat) ఆ ఎదురుకాల్పుల్లో ట్రాప్ అయ్యాడు. నవంబర్ 11వ తేదీన సీఆర్పీఎఫ్ చెక్ పాయింట్పై దాడి జరిగిన కేసులో భట్ ప్రధాన నిందితుడు. ఓ మసీదులో అతను దాక్కున్నట్లు పోలీసు అధికారులు చెప్పారు. ఉగ్రవాది భట్కు పోలీసులు వీడియో కాల్ చేశారు. సరెండర్ కావాలని అడిగారు. మేం నీతోనే ఉన్నామని ఓ అధికారి అన్నారు. కానీ లొంగిపోయేందుకు భట్ అంగీకరించలేదు. నాకు అల్లాను కలవాలని ఉందని, నేను చాలా సంతోషంగా ఉన్నానని ఆ ఉగ్రవాది తెలిపాడు.
మసీదులో దాక్కున్న లతీఫ్ .. తమపై ఫైరింగ్ చేస్తున్నాడని భద్రతా బలగాలు తెలిపాయి. భట్తో పాటు దాడిలో పాల్గొన్న మరో ఉగ్రవాది ఉమర్ నిసార్ దార్ను సోమవారమే హతమార్చారు. సీఆర్పీఎఫ్ చెక్పాయింట్పై దాడి చేయడానికి ముందే దార్తో పాటు భట్ కూడా రెక్కీ గీసినట్లు సీసీటీవీ ఫూటేజ్ ద్వారా గుర్తించారు. అప్పటి నుంచి భారీ స్థాయిలో కార్డన్ సెర్చ్ నిర్వహిస్తున్నారు. సుమారు 500 మంది అరెస్టు చేసి ప్రశ్నిస్తున్నారు.
#WATCH | Jammu and Kashmir: Encounter underway between security forces and terrorists in Kulgam
(Visuals deferred by unspecified time; no live operational details disclosed) https://t.co/0yOyqgsmhM
— ANI (@ANI) November 18, 2026
Comments (0)