KTR | రేవంత్ పాలనలో పల్లె నుంచి పట్నం వరకు అంతా విధ్వంసమే.. ఆర్బీఐ నివేదికపై కేటీఆర్ ధ్వజం

KTR | కేసీఆర్ హయాంలో అభివృద్ధి బాటలో సాగిన తెలంగాణ గ్రామాలు.. కాంగ్రెస్ అరాచక పాలనలో నిధుల కొరతతో నీరసించిపోయాయని బీఆర్ఎస్ వర్కింగ్ ప్రెసిడెంట్ కేటీఆర్ విమర్శించారు. గ్రామ పంచాయతీల ఖర్చులు భారీగా తగ్గిపోయాయని రేవంత్ సర్కార్పై తీవ్ర విమర్శలు గుప్పించారు.
ఆర్బీఐ విడుదల చేసిన ‘Finances of Panchayati Raj Institutions’ నివేదిక ప్రకారం.. 2022-23లో తెలంగాణ గ్రామ పంచాయతీలు సగటున రూ.16.59 లక్షలు ఖర్చు చేయగా, కాంగ్రెస్ పాలనలో 2024-25లో ఆ మొత్తం రూ.6.24 లక్షలకు పడిపోయిందని కేటీఆర్ తెలిపారు. గ్రామాల అభివృద్ధికి నిధులు లేకుండా పోయాయని విమర్శించారు.
ప్రజలు కట్టిన పన్నులు, తెస్తున్న లక్షల కోట్ల అప్పులు అన్నీ కాంగ్రెస్ హై కమాండ్, రేవంత్ రెడ్డి, మంత్రులు, కాంగ్రెస్ ఎమ్మెల్యేలు బొక్కేస్తుంటే ఇక అభివృద్ధికి, సంక్షేమానికి ఎక్కడ మిగులుతాయని ప్రశ్నించారు. “రేవంత్ రెడ్డి పాలనలో పల్లె నుంచి పట్నం వరకు ఎక్కడా అభివృద్ధి లేదు. జరుగుతున్నదంతా విధ్వంసమే”అంటూ కేటీఆర్ విమర్శించారు. ఈ మేరకు సోషల్ మీడియా వేదికగా పోస్టు చేస్తూ #CongressFailedTelangana హ్యాష్ట్యాగ్ను జత చేశారు.
Comments (0)