Jagdeep Dhankhar | జ‌గ‌దీప్ ధ‌న్‌ఖ‌డ్‌కు అస్వ‌స్థ‌త‌.. ఎయిమ్స్‌కు త‌ర‌లింపు..!

Jagdeep Dhankhar : మాజీ ఉపరాష్ట్రపతి (Ex Vice President) జగదీప్‌ ధన్‌ఖడ్‌ (Jagdeep Dhankhar) తీవ్ర అస్వస్థతకు గుర‌య్యారు. ఇవాళ ఉద‌యం మార్నింగ్‌ వాక్‌ చేస్తుండగా ఆయన స్పృహతప్పి పడిపోయారు. కొన్ని నిమిషాలపాటు ఆయ‌న అపస్మారక స్థితిలోకి వెళ్లడంతో భద్రతా సిబ్బంది ఆయ‌న‌ను వెంటనే ఇంటికి తీసుకెళ్లారు. అక్కడే వైద్య బృందం చికిత్స అందించారు. అయినా ఆయ‌న ప‌రిస్థితి మెరుగుప‌డ‌లేదు.

దాంతో ఆయ‌న‌ను హుటాహుటిన అంబులెన్స్‌లో ఎయిమ్స్‌కు తరలించారు. ఎయిక్స్‌లోని కార్డియో-న్యూరో సెంటర్‌లో ఆయ‌న‌ను అడ్మిట్ చేశారు. ప్రస్తుతం కార్డియాలజీ విభాగం పర్యవేక్షణలో చికిత్స పొందుతున్నారు. ఆయన ఆరోగ్య పరిస్థితికి సంబంధించిన మ‌రిన్ని వివరాలు తెలియాల్సి ఉంది. ఇదిలావుంటే ధన్‌ఖడ్‌ 2022 ఆగస్టు నుంచి 2025 జూలై వరకు ఉపరాష్ట్రపతిగా పనిచేశారు.