జాతీయ ఉత్తమ సర్పంచ్ అవార్డుకు చిత్రియాల సర్పంచ్ ఎంపిక
చందంపేట, న‌వంబ‌ర్ 12 : చందంపేట మండలం చిత్రియాల పంచాయతీ సర్పంచ్ చాట్ల చిరంజీవి జాతీయ ఉత్తమ స‌ర్పంచ్‌గా ఎంపిక‌య్యారు. గత సంవత్సర కాలంగా చేస్తున్నటువంటి వివిధ రకాల పనులను, విద్యా, వైద్యం, సామాజిక సేవా కార్యక్రమాల ఆధారంగా పరిశీలించి ఎంపిక చేయడం జరిగింద‌ని ఆయ‌న తెలిపారు. అవార్డు జాతీయ బహుజన సాహిత్య అకాడమీ (BSA) ఆధ్వర్యంలో ఈ నెల 15న దేశ రాజధాని ఢిల్లీలో నిర్వహించే 20వ నేషనల్ కాన్ఫరెన్స్‌లో భాగంగా అందుకోనున్న‌ట్లు వెల్ల‌డించారు. ఈ పురస్కారం దక్క‌డం గ్రామ ప్రజలే ప్రధాన కారణం అని, ఇది త‌న ఒక్కడికి దక్కిన గౌరవం కాద‌ని గ్రామ ప్రజలందరికి దక్కిన గౌరవం అని ఆయ‌న పేర్కొన్నారు.
Comments (0)