Harish Rao | పురుషులతో సమానంగా మహిళా క్రీడాకారులు పోటీపడాలి : మాజీ మంత్రి హరీష్‌రావు

సిద్దిపేట : సిద్దిపేట లో అండర్ 19 మహిళా రాష్ట్ర స్థాయి క్రికెట్ మ్యా్‌‌చ్‌లను( Cricket Matches ) మాజీ మంత్రి ,ఎమ్మెల్యే హరీష్ రావు (Harish Rao) గురువారం రాత్రి ప్రారంభించారు. ఈ సందర్భంగా క్రీడాకారులనుద్ధేశించి మాట్లాడారు. సిద్దిపేట లో జాతీయ, రాష్ట్ర స్థాయి క్రికెట్ మ్యాచ్ లు నిర్వహించే స్థాయి లో అభివృద్ధి చేసుకున్నామని అన్నారు . గతంలో ఎన్నో రాష్ట్ర స్థాయి రంజీ మ్యాచ్ లు జరిగాయన్నారు.

సిద్దిపేట స్టేడియం లో రాష్ట్ర స్థాయి మహిళా క్రికెట్ వేదిక కావడం సంతోషకరమని చెప్పారు. పురుషులతో సమానంగా మహిళా క్రీడాకారులు పోటీ పడాలని కోరారు. సిద్దిపేట నుంచి ఎంతో మంది క్రీడాకారులు రంజీ పోటీలకు లకు ఎంపిక అయ్యారని తెలిపారు. క్రీడాకారుల కోసం అన్ని సౌకర్యాలు ఏర్పాటు చేశామని వెల్లడించారు. మహిళా క్రీడాకారులు రాణించి రంజీలకు ఎంపిక కావాలని ఆకాంక్షించారు.