Faridabad Murder: టెక్ మ‌హేంద్ర మాజీ ఉద్యోగి కాల్చివేత‌.. సీసీటీవీ వీడియో రిలీజ్

న్యూఢిల్లీ : టెక్‌ మహీంద్రా ఆసియా మాజీ హెడ్‌ పరమ్‌జీత్‌ ధన్‌కర్‌ ఫరీదాబాద్‌(Faridabad Murder)లో తన పొరుగింటి వ్యక్తి జరిపిన కాల్పుల్లో ప్రాణాలు కోల్పోయిన విష‌యం తెలిసిందే. అయితే సీసీటీవీకి ఆ కాల్పుల ఘ‌ట‌న చిక్కింది. ఆ వీడియోను ఇప్పుడు పోలీసులు రిలీజ్ చేశారు. నిందితుడు మోనూ శ‌ర్మ, ప‌ర‌మ్‌జీత్ మ‌ధ్య పార్కింగ్ అంశంలో వాగ్వాదం జ‌రిగిన‌ట్లు వీడియోలో ఉన్న‌ది. ప‌ర‌మ్‌జీత్ మాట్లాడుతున్న స‌మ‌యంలో.. గ‌న్ తీసి మోనూ శ‌ర్మ ఫైరింగ్‌కు పాల్ప‌డ్డాడు. ప‌క్క‌నే ఉన్న ప‌ర‌మ్‌జీత్ కుమారుడు భ‌యంతో ప‌రుగులు తీశాడు. మోను తన లైసెన్స్‌డ్‌ తుపాకీతో 15 రౌండ్లు కాల్చగా, 9 తూటాలు పరమ్‌జీత్‌కు తగిలాయి.

టీష‌ర్ట్ ధ‌రించిన మోనూ శ‌ర్మ త‌న ప్యాంటు జేబులో నుంచి గ‌న్ తీసి అక‌స్మాత్తుగా ఫైరింగ్ చేశాడు. 5 సెక‌న్ల‌లో మ‌ల్టిపుల్ రౌండ్లు కాల్చాడు. టెకీ మ‌హేంద్ర మాజీ ఉద్యోగి ప‌రుగులు తీస్తున్నా.. నిందితుడు శ‌ర్మ మాత్రం బుల్లెట్ల వ‌ర్షం కురిపించాడు. బిల్డింగ్ గేటు తీసి బాధితుడు త‌ప్పించుకునే ప్ర‌య‌త్నం చేసినా అత‌న్ని నిందితుడు వ‌దిలిపెట్ట‌లేదు. కుప్ప‌కూలిన ప‌ర‌మ్‌జీత్ వ‌ద్ద‌కు ఓ వృద్ధ మ‌హిళ వ‌చ్చి నిందితుడిని అడ్డుకునే ప్ర‌య‌త్నం చేసింది. మ‌ళ్లీ గ‌న్‌ను రీలోడ్ చేసిన మోనూశ‌ర్మ .. ప‌ర‌మ్‌జీత్‌పై కాల్పులు జ‌రిపాడు. ఫైరింగ్ చేస్తున్న స‌మ‌యంలో నిందితుడు హ్యాపీ దీపావ‌ళి, ముబార‌క్ అని అరిచాడు. అంద‌ర్నీ చంపేస్తా, అంద‌ర్నీ చంపాకే వెళ్లిపోతా అని గ‌ట్టిగా అరుస్తున్న‌ట్లు వీడియోలో ఉన్న‌ది.

ప‌ర‌మ్‌జీత్ తన మేనల్లుడి వివాహానికి హాజరయ్యేందుకు సింగపూర్‌ నుంచి భారత్‌కు వచ్చారు. పరమ్‌జీత్‌ కుటుంబ సభ్యులకు, వారి పొరుగింట్లో ఉంటున్న మోను శర్మ కుటుంబ సభ్యులకు తరచూ గొడవలు జరిగేవి. గ‌త శుక్రవారం రాత్రి కారు పార్కింగ్‌ విషయంలో పరమ్‌జీత్‌, మోను మధ్య ఘర్షణ జరిగింది. మోను తన లైసెన్స్‌డ్‌ తుపాకీతో 15 రౌండ్లు కాల్చగా, 9 తూటాలు పరమ్‌జీత్‌కు తగిలాయి. దీంతో ఆయన ప్రాణాలు విడిచారు. కార్ల పార్కింగ్‌, పెంపుడు కుక్క మూత్ర విసర్జన వంటి సాధారణ విషయాల్లో గొడవ పడేవారని తెలుస్తున్నది. రెండు రోజుల‌కే మోనును అరెస్ట్‌ చేశారు. మోను భార్య, కుమార్తె, కుమారుడు, సోదరుడు నిందితులని ఫిర్యాదులో పేర్కొన్నారు.

Hang him. Call me judgmental, but society has no room for a menace like Monu Sharma. His history of speeding, brawls, and blatant disrespect for the law proves he is a ticking time bomb. Keeping him alive in prison is a waste of taxpayer money, and letting him out risks innocent lives.

If ‘procedural loopholes’ allow him to walk free, the justice system becomes an accomplice to murder with blood on its own hands.

@SupremeCourtIND @cmohry @NayabSainiBJP @police_haryana @FBDPolice @barandbench @LiveLawIndia

#FaridabadFiring

— Amit | अमित | امیت (@tweets_by_amit) November 12, 2026