Donga Naa Koduku | ‘లిటిల్ హార్ట్స్’ ఫేమ్ మౌళి కొత్త సినిమా.. ‘దొంగ నా కొడుకు’ ట్రైలర్ రిలీజ్

‘లిటిల్ హార్ట్స్’ చిత్రంతో యూత్‌లో విపరీతమైన క్రేజ్ సంపాదించుకున్న నటుడు మౌళి ప్రధాన పాత్రలో నటిస్తున్న తాజా క్రైమ్ కామెడీ సినిమా ‘దొంగ నా కొడుకు’ (DNK). ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్న ఈ చిత్రానికి శ్రీను కంబాల దర్శకత్వం వహించారు. తాజాగా ఈ సినిమాకు సంబంధించిన థియేట్రికల్ ట్రైలర్‌ను మేకర్స్ విడుదల చేయగా, ప్రేక్షకుల్లో అంచనాలు భారీగా పెరిగాయి.

ఈ చిత్రంలో మౌళి క్రికెట్ బెట్టింగ్‌లకు అలవాటుపడి, తల్లిదండ్రుల డబ్బులు పోగొట్టే ఒక బాధ్యత లేని యువకుడిగా కనిపించనున్నాడు. హీరోయిన్ సుస్మితా శెట్టిని డబ్బుల కోసం ఇబ్బంది పెట్టడం, ఆమె ఇచ్చిన బంగారు రింగ్స్‌ను సైతం తాకట్టు పెట్టే పరిస్థితులకు దారితీసే సరదా సన్నివేశాలతో ట్రైలర్ ఆద్యంతం నవ్వులు పూయిస్తోంది. అప్పులొదిలించుకోవడానికి, సులభంగా డబ్బు సంపాదించడానికి అతను చేసే పిచ్చి ప్రయత్నాలు, అనుకోకుండా ఒక జ్యువెల్లరీ షాప్ రాబరీ ప్లాన్ చేయడం.. చివరికి ఆ దొంగతనం కాస్తా ఎలాంటి గందరగోళానికి దారితీసిందనే అంశం చుట్టూ ఈ కథ తిరుగుతుంది. ఈ చిత్రంలో అలీ, రఘుబాబు, సుదర్శన్, రాజిత తదితరులు ఇతర కీలక పాత్రల్లో నటిస్తూ అలరించనున్నారు. మాస్ అండ్ చిల్లర్ ఎంటర్‌టైనర్‌గా వస్తున్న ఈ సినిమా నవంబర్ 13న ప్రపంచవ్యాప్తంగా థియేటర్లలో గ్రాండ్‌గా విడుదల కానుంది.

Loved #DNKTrailer
It’s fun and chaotic at the same time!

https://t.co/H4maJA90Bv

@Mouli_Talks is throughly entertaining.

Watch #DNK at your nearest theatres on November 13th.

Wishing the dearest @MythriOfficial & the entire team of #DNK all the very best.

— Ravi Teja (@RaviTeja_offl) November 9, 2026