Dasoju Shravan Kumar | సీఎం రేవంత్ రెడ్డికి ఎమ్మెల్సీ దాసోజ్ శ్ర‌వ‌ణ్ కుమార్ బహిరంగ లేఖ

22 November 2026 - 20:00
0 0
Dasoju Shravan Kumar | సీఎం రేవంత్ రెడ్డికి ఎమ్మెల్సీ దాసోజ్ శ్ర‌వ‌ణ్ కుమార్ బహిరంగ లేఖ
Dasoju Shravan Kumar

Dasoju Shravan Kumar | తెలంగాణ విద్యార్థుల స్థానికత హక్కులను కాలరాయొద్దని, స్వార్థపూరిత ఇంటర్మీడియట్ రద్దు నిర్ణయాన్ని నిలిపివేయాలని కోరుతూ ఎమ్మెల్సీ దాసోజ్ శ్ర‌వ‌ణ్ కుమార్ సీఎం రేవంత్ రెడ్డికి బహిరంగ లేఖ రాశారు.

ఇంటర్మీడియట్‌ను రద్దు చేసి 9 నుండి 12వ తరగతి వరకు ఒకే బడిగా మారిస్తే తెలంగాణ విద్యార్థుల స్థానికతపై రేవంత్ ప్రభుత్వం దాడి చేసినట్లేన‌ని ఆయ‌న లేఖ‌లో పేర్కొన్నారు. నాలుగేళ్ల కార్పొరేట్ హాస్టల్ ప్యాకేజీ కొంటే ఇతర రాష్ట్రాల విద్యార్థులు సైతం చట్టబద్ధంగా ‘తెలంగాణ లోకల్’ అయిపోయి, మన బిడ్డల మెడికల్, ఇంజనీరింగ్ సీట్లు తన్నుకుపోయే ప్రమాదం ఉందని హెచ్చరించారు.

లోకల్ హోదా పుట్టుకతో కాకుండా ప్రవేశ పరీక్షకు ముందు వరుసగా 4 ఏళ్లు ఎక్కడ చదివారనే దానిపైనే ఆధారపడి ఉంటుందని లేఖలో దాసోజ్ శ్ర‌వ‌ణ్ కుమార్ స్పష్టం చేశారు. తెలంగాణ విద్యార్థుల భవిష్యత్తును శాశ్వతంగా దెబ్బతీసే ఈ చట్టపరమైన ఇంటర్మీడియట్ రద్దు ప్రమాదాన్ని నివారించాలని లేఖ‌లో కోరారు.

ప్రజాప్రతినిధులు, విద్యావేత్తలు, తల్లిదండ్రులతో కనీస చర్చ లేకుండా తీసుకున్న ఇంటర్మీడియట్ రద్దు నిర్ణయం వెనుక కార్పొరేట్ కాలేజీల ప్రయోజనాలున్నాయని ఆరోపించారు. నవంబర్ 13న రాసిన తాను బహిరంగ లేఖపై వారం గడిచినా ప్రభుత్వం నుండి ఒక్క సమాధానం కూడా రాలేదని, కార్పొరేట్ సంస్థలకు లాభం చేకూర్చే ఇంటర్మీడియట్ రద్దు నిర్ణయాన్ని తక్షణమే ఉపసంహరించుకోవాలని ఎమ్మెల్సీ దాసోజ్ శ్ర‌వ‌ణ్ కుమార్ డిమాండ్ చేశారు. ఈ విష‌యమై దాసోజు శ్ర‌వ‌ణ్ కుమార్ సుదీర్ఘ అంశాల‌ను సీఎం రేవంత్ రెడ్డికి లేఖలో ప్ర‌స్తావించారు.

Read Also :

Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు

B Pharmacy Syllabus | ఇక ఫార్మసీ విద్యార్థులకూ పైథాన్‌ కోడింగ్‌.. ఇంజినీరింగ్‌ తరహాలో ఏఐ, మెషిన్‌ లెర్నింగ్‌ సిలబస్ కూడా!

Suriya | ఒకే ఏడాదిలో మూడు సినిమాలతో రూ.200 కోట్ల క్లబ్.. ‘సీన్’ సక్సెస్‌పై సూర్య‌ ఎమోషనల్ వీడియో!

Comments (0)

User