Arvind Kejriwal: 7 కోట్లు ఇవ్వండి.. కేజ్రీవాల్‌కు బిష్ణోయ్ గ్యాంగ్ బెదిరింపు

న్యూఢిల్లీ : ఢిల్లీ మాజీ సీఎం, ఆమ్ ఆద్మీ పార్టీ చీఫ్ అర‌వింద్ కేజ్రీవాల్‌(Arvind Kejriwal)కు బెదిరింపులు వ‌చ్చాయి. గ్యాంగ్‌స్ట‌ర్ లారెన్స్ బిష్ణోయ్ గ్యాంగ్ నుంచి ఫోన్ వ‌చ్చిన‌ట్లు తెలిసింది. ఏడు కోట్లు చెల్లించాలంటూ ఓ వ్య‌క్తి డిమాండ్ చేశాడు. తిల‌క్ న‌గ‌ర్ ఎమ్మెల్యే జార్నైల్ సింగ్ న‌వంబ‌ర్ 6వ తేదీన త‌న‌ ఫిర్యాదులో ఈ విష‌యాన్ని పేర్కొన్నారు. బిష్ణోయ్ గ్యాంగ్‌కు చెందిన వ్య‌క్తుల నుంచి బెదిరింపు ఫోన్ కాల్స్ వ‌స్తున్న‌ట్లు ఆ ఎమ్మెల్యే తెలిపారు. ఒక‌వేళ డిమాండ్ చేసిన డ‌బ్బు ఇవ్వ‌కుంటే, ఆప్ చీఫ్ కేజ్రీవాల్‌తో పాటు ఆమె కూతుర్ని హ‌త‌మార్చ‌నున్న‌ట్లు ఆ వ్య‌క్తి పేర్కొన్నారని ఎమ్మెల్యే చెప్పారు. బీఎన్ఎస్, ఐటీ చ‌ట్టం ప్రకారం మొహాలీ పోలీసులు కేసును రిజిస్ట‌ర్ చేశారు. సైబ‌ర్ క్రైం ఇన్‌స్పెక్ట‌ర్ సునీల్ కుమార్ ఈ కేసును విచారిస్తున్నారు. అనుమానిత ఫోన్ కాల్ రికార్డుల‌ను పోలీసులు ప‌రిశీలిస్తున్నారు. కేజ్రీవాల్‌, ఆయ‌న కుమార్తె హ‌ర్షితా కేజ్రీవాల్‌కు ప్ర‌త్యేక భ‌ద్ర‌త క‌ల్పించాల‌ని ఎమ్మెల్యే జార్నైల్ సింగ్ డిమాండ్ చేశారు.