AI Drones | దోమల భరతం పట్టే ఏఐ డ్రోన్లు.. గుజరాత్ కుర్రాళ్ల ఆవిష్కరణకు గేట్స్ ఫౌండేషన్ ఫిదా!

AI Drones | మెహసానా: గుజరాత్‌లోని మెహసానాకు చెందిన ఇద్దరు యువకులు దోమల సంతానోత్పత్తి కేంద్రాలను గుర్తించే ఏఐ ఆధారిత డ్రోన్లను అభివృద్ధి చేశారు.

ప్రైమ్‌ యూఏవీ సంస్థ రూపొందించిన ఈ డ్రోన్లు మురుగు నీరు, ఎత్తైన భవనాలు, పై కప్పులు, మునుషులు చేరుకోలేని ప్రాంతాల్లో దోమల ఆవాసాలను క్షణాల్లో గుర్తిస్తాయి. ఈ సమాచారాన్ని అధికారులకు లైవ్‌లో పంపడంతోపాటు అవసరమైన చోట పురుగుల మందు పిచికారీ చేస్తాయి.

సంస్థ వ్యవస్థాపకుడు ప్రదీప్‌ పటేల్‌ మెకానికల్‌ ఇంజినీరింగ్‌లో ఎంటెక్‌ పూర్తి చేశారు. 2021లో పరిశోధనలు ప్రారంభించిన నంస్థ గాంధీనగర్‌ పరిధిలో 3,500కు పైగా దోమల స్థావరాలను గుర్తించింది. బిల్‌ అండ్‌ లిండా గేట్స్‌ ఫౌండేషన్‌ బృందం ఈ టెక్నాలజీని పరిశీలించింది. కరోనా సమయంలో పోలీసు, ఆరోగ్య శాఖలకు డ్రోన్లతో సహకరించిన సంస్థ అడవుల్లో సీడ్‌ బాల్స్‌ చల్లడం వంటి కార్యక్రమాలను కూడా చేపట్టింది.