పదో తరగతిలో వందశాతం ఉత్తీర్ణత సాధించేలా కృషి చేయాలి : డీఈవో శంభుప్రసాద్
బూర్గంపహాడ్, నవంబర్ 11 : ప్రభుత్వ పాఠశాలల్లో విద్యార్థుల హాజరు శాతం పెంచాలని భ‌ద్రాద్రి కొత్త‌గూడెం జిల్లా విద్యాశాఖాధికారి ఎస్.శంభుప్రసాద్ అన్నారు. బుధవారం బూర్గంపహాడ్ ప్రభుత్వ ఉన్నత పాఠశాలను డీఈవో ఆకస్మికంగా తనిఖీ చేశారు. పాఠశాలలో రికార్డులు, రిజిస్టర్లు పరిశీలించి అనంతరం ఉపాధ్యాయులతో సమీక్షా సమావేశం నిర్వహించారు. పదో తరగతిలో వందశాతం ఉత్తీర్ణత సాధించేలా ఉపాధ్యాయులు కృషి చేయాలని, విద్యార్థుల హాజరు శాతం పూర్తిస్థాయిలో పెంచేందుకు ప్రత్యేక శ్రద్ధ చూపాలని సూచించారు. పాఠశాలల నిర్వహణలో ఉపాధ్యాయుల పర్యవేక్షణ ఉండాలన్నారు. అనంతరం డీఈవోను ఎంఈవో, ఉపాధ్యాయులు శాలువాతో సత్కరించారు. ఈ సమావేశంలో ఎంఈవో యదుసింహరాజు, హెచ్ఎం రవీలాదేవి, ఉపాధ్యాయులు శంకర్, లలిత, భాస్కర్ పాల్గొన్నారు.
Comments (0)