ACB Raid | రూ.30 వేలు లంచం తీసుకుంటూ ఏసీబీ వలకు చిక్కిన విద్యుత్ శాఖ సబ్ ఇంజినీర్

హైదరాబాద్ : విద్యుత్ చౌర్యం కేసు ( Electricity theft case) లో తదుపరి చర్యలు తీసుకోకుండా రూ.30 వేలు లంచం( Bribe) తీసుకున్న విద్యుత్ శాఖ సబ్ ఇంజినీర్ను ఏసీబీ అధికారులు రెడ్ హ్యండెడ్ గా పట్టుకున్నారు. హైదరాబాద్లోని గాంధీనగర్ సెక్షన్ ఆఫీసులో విధులు నిర్వహిస్తున్న జి. సంతోష్ ఆనంద్ ( Andand) ను ఫిర్యాదుదారుడు విద్యుత్ చౌర్యం కేసులో చర్యలు తీసుకోవద్దని కోరాడు.
దీంతో సబ్ ఇంజినీర్ రూ.50 వేలు డిమాండ్ చేసి రూ.35 వేలకు తగ్గించాడు. ఫిర్యాదుదారుడు ఏసీబీని సంప్రదించగా శనివారం ఫిర్యాదుదారుడు ఇంటి వద్ద లంచం తీసుకుంటుండగా ఏసీబీ అధికారులు మాటువేసి పట్టుకున్నారు. నగదును స్వాధీనం చేసుకుని కేసు నమోదు చేసి ఏసీబీ ప్రత్యేక కోర్టులో హాజరుపరిచినట్లు తెలిపారు.
Comments (0)