15-20 కిలోల బంగారం అపహరణ
- మదురై నగల షోరూంలో భారీ చోరీ
మదురై: తమిళనాడులోని మదురై బైపాస్‌ రోడ్‌లో ఉన్న తనిష్క్‌ నగల దుకాణంలో భారీ చోరీ జరిగింది. 15-20 కిలోల బంగారం అపహరణకు గురైనట్టు సమాచారం. గురువారం ఉదయం షోరూంను తెరిచిన సిబ్బంది దొంగతనం జరిగినట్లు గుర్తించారు. సీసీటీవీ ఫుటేజీలో ముగ్గురు వ్యక్తుల ప్రమేయం కనిపిస్తున్నదని మదురై నగర పోలీస్‌ కమిషనర్‌ రాజేంద్రన్‌ విలేకర్లకు తెలిపారు.
ముగ్గురు వ్యక్తులు గోడను, తలుపును పగులగొట్టి దుకాణంలోకి ప్రవేశించారు. దుకాణంలోని మొత్తం సరుకులో దాదాపు 30 శాతం చోరీకి గురైంది. షోరూం యాజమాన్యం ఫిర్యాదు చేసిన తర్వాతే నష్టం ఎంతన్నది కచ్చితంగా తెలుస్తుందని పోలీసులు పేర్కొన్నారు.
Comments (0)