షరతులు ఉల్లంఘిస్తే బెయిలు రద్దు చేయొచ్చు
- కింది కోర్టు తీర్పును సమర్థించిన హైకోర్టు
హైదరాబాద్‌, నవంబర్‌ 9 (నమస్తే తెలంగాణ): పెండ్లి పేరుతో మహిళను మోసగించిన కేసులో అరెస్టయి బెయిలుపై విడుదలైన నిందితుడు బానోత్‌ రాహుల్‌కు చుక్కెదురైంది. షరతులను ఉల్లంఘించాడన్న కారణంతో ఆయన బెయిలును రద్దుచేస్తూ కింది కోర్టు ఇచ్చి న తీర్పును హైకోర్టు సమర్థించింది.
బెయిలు మంజూరు సందర్భంగా కోర్టు విధించిన షరతులను ఉల్లంఘిస్తే ఆ బెయిలును రద్దు చేయవచ్చని తేల్చిచెప్పింది. కోర్టు షరతులను ఉల్లంఘించినా లేదా ఇప్పటికే నమోదైన కేసులో మరో నేరానికి పాల్పడినా బెయిలు రద్దు చేయవచ్చని స్పష్టం చేసింది. ఈ మేరకు జస్టిస్‌ జే శ్రీనివాసరావు తీర్పు వెలువరించారు. కింది కోర్టు నిర్ణయా న్ని సవాలు చేస్తూ బానోత్‌ రాహుల్‌ దాఖలు చేసిన పిటిషన్‌ను కొట్టివేశారు.
Comments (0)