శ్రీలత బారాత్‌ హంగామా

తెలంగాణ సంస్కృతి, సాంప్రదాయాల మేళవింపుతో రూపొందుతున్న హాస్యభరిత కుటుంబ కథాచిత్రం ‘ఇడుపు కాయితం’. ప్రియదర్శి, తెలంగాణ జానపద గీతాల ద్వారా పేరు తెచ్చుకున్న నాగదుర్గ జంటగా నటిస్తున్న ఈ చిత్రానికి వంశీరెడ్డి దొండపాటి దర్శకుడు. బన్నీ వాస్‌ నిర్మాత. డిసెంబర్‌ 11న ప్రపంచవ్యాప్తంగా సినిమా విడుదల కానున్నది. దీపావళి పండుగను పురస్కరించుకుని ఈ సినిమా నుంచి ‘బారాత్‌ బీట్‌’ సాంగ్‌ని విడుదల చేశారు. సంగీత దర్శకుడు సురేశ్‌ బొబ్బిలి అదిరిపోయే బీట్‌తో ఈ పాటను కంపోజ్‌చేశారు.

శ్రీలత(నాగదుర్గ), శ్రీనివాస్‌ (ప్రియదర్శి) పెళ్లి బారత్‌ సందర్భంగా వచ్చే ఈ డ్యాన్స్‌ నెంబర్‌లో నాగదుర్గ మాస్‌ డ్యాన్స్‌ సినిమాకే హైలైట్‌గా నిలుస్తుందని మేకర్స్‌ చెబుతున్నారు. శివజ్యోతి, సుజాత, చంద్రవ్వ, మౌనికరెడ్డి, రచ్చ రవి, బిత్తిరి సత్తి, అభయ్‌ బేతిగంటి, మైమ్‌ మధు తదితరులు ఇతర పాత్రలు పోషిస్తున్న ఈ చిత్రానికి కెమెరా: ఎంఎన్‌ బాల్‌రెడ్డి, నిర్మాణం: సుకుమార్‌ రైటింగ్స్‌, బన్నీవాస్‌ వర్క్స్‌.