శాంతిభద్రతల సాకుతో జర్నలిస్టులను అడ్డుకోరాదు

- సుప్రీంకోర్టులో ఎన్డబ్ల్యూఎంఐ వాదన
న్యూఢిల్లీ, నవంబర్ 21: జర్నలిస్టుల కార్యకలాపాల్లో జోక్యానికి శాంతిభద్రతల అధికారాలను సాకుగా చూపరాదని నెట్వర్క్ ఆఫ్ విమెన్ ఇన్ మీడియా, ఇండియా (ఎన్డబ్ల్యూంఐ) సుప్రీంకోర్టుకు తెలిపింది. అక్టోబర్ల్లో ఢిల్లీలో జరిగిన నిరసనలను కవర్ చేసిన మీడియా సిబ్బందిని బలవంతంగా నిర్బంధించి, దాడి చేశారని ఆరోపిస్తూ ఆ సంస్థ పిటిషన్ దాఖలు చేసింది. ఎన్నికల సంఘం పనితీరులో అవకతవకలు జరిగాయన్న ఆరోపణల నేపథ్యంలో ప్రధాన ఎన్నికల కమిషనర్ జ్ఞానేశ్ కుమార్కు వ్యతిరేకంగా నిరసన ప్రదర్శనలు జరిగిన సంగతి తెలిసిందే. ఈ వ్యవహారంలో ఢిల్లీ పోలీసులు దాఖలు చేసిన కౌంటర్ అఫిడవిట్కు ప్రతిస్పందనగా ఎన్డబ్ల్యూఎంఐ రిజాయిండర్ సమర్పించింది.
జర్నలిస్టులను అడ్డుకోవడం, బలవంతంగా తొలగించడం, దాడి చేయడం లేదా లైంగిక వేధింపులకు గురిచేయడం వంటివి వారి వ్యక్తిగత స్వేచ్ఛ, శారీరక భద్రత, వృత్తి నిర్వహణ స్వేచ్ఛతోపాటు సమాచారాన్ని సేకరించి ప్రజలకు అందించే పత్రికా స్వేచ్ఛపై ఒకేసారి దెబ్బపడుతుందని పేర్కొంది. ‘సాయుధ ఘర్షణలు, ఇతర ప్రమాదకర పరిస్థితుల్లోనూ జర్నలిస్టులకు వార్తా సేకరణకు సాధారణంగా అవకాశం కల్పిస్తారు. ప్రమా దం ఎదురైనప్పుడు రిపోర్టర్ను అక్కడి నుంచి పంపించడం కాకుండా, వారికి రక్షణ కల్పిస్తూ రిపోర్టింగ్కు తోడ్పడటమే గుర్తించిన విధానం’ అని సంస్థ తెలిపింది.
Comments (0)