భూముల వేలం నిర్ణయాన్ని ఉపసంహరించుకోవాలి

19 November 2026 - 01:30
0 0
భూముల వేలం నిర్ణయాన్ని ఉపసంహరించుకోవాలి
Ramchander Rao,
  • మియాపూర్‌ భూముల పరిరక్షణకు లక్ష సంతకాల సేకరణ: రాంచందర్‌రావు

హైదరాబాద్‌: మియాపూర్‌లోని సర్వే నంబర్‌ 100, 101 పరిధిలో ఉన్న 550 ఎకరాల ప్రభుత్వ భూమిని వేలం వేయాలన్న రాష్ట్ర ప్రభుత్వ నిర్ణయాన్ని తీవ్రంగా వ్యతిరేకిస్తున్నట్టు బీజేపీ రాష్ట్ర అధ్యక్షుడు ఎన్‌ రాంచందర్‌రావు తెలిపారు. బుధవారం మియాపూర్‌లోని ఎంఏ నగర్‌, ప్రశాంత్‌నగర్‌, స్టాలిన్‌నగర్‌, దీప్తిశ్రీనగర్‌ కాలనీల్లో పర్యటించిన ఆయన స్థానికులతో మాట్లాడి వారికి అండగా ఉంటామని భరోసా ఇచ్చారు.

ఈ 550 ఎకరాల్లో అన్ని అనుమతులు తీసుకుని ఇండ్లు కట్టుకుని దాదాపు 15 వేల కుటుంబాలు ఉంటున్నాయని అన్నారు. ఆ 150 ఎకరాల భూమి, ఇండ్లు ఆయా కుటుంబాలకే చెందాలని, ప్రభుత్వం వాటి జోలికి వెళ్లకూడదని డిమాండ్‌ చేశారు. మిగిలిన 400 ఎకరాలను పారులు, ప్లే గ్రౌండ్స్‌, దవాఖానలు వంటి ప్రజా ప్రయోజనాలకు మాత్రమే వినియోగించాలని సూచించారు. భూముల వేలం నిర్ణయాన్ని నిరసిస్తూ శేరిలింగంపల్లి నియోజకవర్గం నుంచి లక్ష సంతకాల సేకరణ కార్యక్రమాన్ని ప్రారంభిస్తున్నట్టు ప్రకటించారు.

Comments (0)

User