భారత్‌లో తగ్గనున్న హిందూ జనాభా

19 November 2026 - 01:30
0 0
భారత్‌లో తగ్గనున్న హిందూ జనాభా
01
  • 2070 నాటికి పెరగనున్న ముస్లింల వాటా

న్యూఢిల్లీ, నవంబర్‌ 18 : రానున్న కాలంలో హిందువుల జనాభా సంఖ్య ముస్లింలతో పోలిస్తే స్వల్పంగా తగ్గే అవకాశం ఉందని ప్యూ రిసెర్చ్‌ సెంటర్‌ తాజా అధ్యయనం అంచనా వేసింది. 2020 నుంచి 2070 మధ్య హిందువుల సంఖ్య 17.6 కోట్ల మేర పెరగవచ్చని తెలిపింది. భారత్‌లో 2070 నాటికి హిందువులు 75 శాతానికి పైగా ఉంటారని అంచనా వేసింది.

అయితే ప్రపంచ వ్యాప్తంగా హిందువుల సంఖ్య 2020తో పోలిస్తే 19.9 కోట్ల మేర పెరిగి 140 కోట్లకు చేరవచ్చని మొత్తం జనాభాలో హిందువుల వాటా 15 శాతం నుంచి 14 శాతానికి తగ్గవచ్చని తెలిపింది. ప్రపంచంలో 2070 నాటికి అమెరికా ప్రపంచంలోనే ఐదో అతిపెద్ద హిందూ జనాభా కలిగిన దేశంగా మారవచ్చని, ఆస్ట్రేలియా కూడా మొదటి పది దేశాల్లోకి చేరవచ్చునని అంచనా వేసింది.

Comments (0)

User