బీహార్‌లో కలెక్టరేట్‌ భవనం వేలం
- ప్రైవేట్‌ సంస్థకు బాకీ చెల్లించని బీజేపీ సర్కార్‌
పాట్నా : బీజేపీ పాలిత బీహార్‌లోని మధుబని జిల్లా కలెక్టరేట్‌ ప్రాంగణంలోని 10 కట్టాల భూమి, దానిపై నిర్మించిన రెండు అంతస్తుల భవనాన్ని ఈ నెల 26న వేలం వేయబోతున్నారు. పండౌల్‌ సహకార పత్తి మిల్లు పునరుద్ధరణ కోసం రాష్ట్ర ప్రభుత్వం 1982లో కోల్‌కతాకు చెందిన రాధాకృష్ణ ఎక్స్‌పోర్ట్స్‌ కంపెనీతో ఒప్పందం కుదుర్చుకుంది.
ఆ కంపెనీ అప్పట్లో రూ.28.90 లక్షలు పెట్టుబడి పెట్టింది. 2000వ సంవత్సరంలో మిల్లు మళ్లీ మూతపడటంతో ప్రైవేట్‌ కంపెనీ కోర్టును ఆశ్రయించింది. ఈ కంపెనీ పెట్టిన పెట్టుబడితోపాటు పరిహారం, కోర్టు ఖర్చులు కలిపి రూ.33.44 లక్షలు చెల్లించాలని, ప్రభుత్వాన్ని హైకోర్టు ఆదేశించింది. ప్రభుత్వం ఈ సొమ్మును చెల్లించలేదు.
Comments (0)