బీఆర్‌ఎస్‌ సోషల్‌ మీడియా కార్యకర్తకు బెయిల్‌
తిమ్మాపూర్‌, నవంబర్‌ 12: కరీంనగర్‌ జిల్లా తిమ్మాపూర్‌ మండలం రామకృష్ణకాలనీకి చెందిన బీఆర్‌ఎస్‌ సోషల్‌మీడియా యాక్టివిస్ట్‌ సిరికొండ శ్యాంసుందర్‌రావుకు నాంపల్లి కోర్టు బెయిల్‌ మంజూరు చేసింది. ఇటీవల ఎమ్మెల్సీ బల్మూరి వెంకట్‌.. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌పై పలు వ్యాఖ్యలు చేయగా, దానికి కౌంటర్‌గా ఎమ్మెల్సీ వెంకట్‌ వివాహంపై శ్యాంసుందర్‌రావు ఫేస్‌బుక్‌లో పోస్ట్‌ పెట్టాడు. దీంతో ఆయన భార్య ఫిర్యాదు చేయగా హైదరాబాద్‌లో అట్రాసిటీ కేసు నమోదు చేశారు. దీంతో పోలీసులు పది రోజులుగా కాపు కాసి శ్యాంసుందర్‌రావుని పట్టుకుని బుధవారం హైదరాబాద్‌ నాంపల్లి కోర్టులో ప్రవేశపెట్టారు.
సమాచారం అందుకున్న మాజీ ఎంపీ వినోద్‌కుమార్‌, మాజీ ఎమ్మెల్యే రసమయి బాలకిషన్‌, బీఆర్‌ఎస్‌ జిల్లా అధ్యక్షుడు జీవీ రామకృష్ణరావు లీగల్‌ సెల్‌ న్యాయవాది లలితకు సమాచారం అందించారు. దీంతో బీఆర్‌ఎస్‌ లీగల్‌ సెల్‌ టీం కోర్టులో తమ వాదనలు వినిపించగా శ్యాంసుందర్‌రావు రిమాండ్‌ను జడ్జి తిరస్కరించారు. బెయిల్‌ వచ్చేలా కృషి చేసిన బీఆర్‌ఎస్‌ నాయకులు, లీగల్‌సెల్‌ బృందానికి సర్పంచుల ఫోరం మండలాధ్యక్షురాలు పొన్నం సునీతాఅనిల్‌గౌడ్‌, కుటుంబసభ్యులు కృతజ్ఞతలు తెలిపారు.
Comments (0)