ప్రభుత్వ దవాఖానల దుస్థితిపై ఎన్‌హెచ్చార్సీ సీరియస్‌

21 November 2026 - 07:30
0 0
ప్రభుత్వ దవాఖానల దుస్థితిపై ఎన్‌హెచ్చార్సీ సీరియస్‌
Nhrc

హైదరాబాద్‌, నవంబర్‌ 20 (నమస్తే తెలంగాణ) : రాష్ట్రంలో ప్రభుత్వ దవాఖానల్లో పరిస్థితులపై ఎన్‌హెచ్చార్సీ సీరియస్‌ అయింది. పరిస్థితులను చక్కదిద్దేందుకు చేపట్టిన చర్యలపై 4 వారాల్లోగా నివేదిక ఇవ్వాలని రాష్ట్ర ప్రభుత్వాన్ని ఆదేశించింది. దవాఖానల్లో మానవ హ క్కుల ఉల్లంఘన జరుగుతున్నదని నల్లగొండకు చెందిన న్యాయవాది వినోద్‌ హిందుస్థానీ ఎన్‌హెచ్చార్సీకి ఫిర్యాదు చేశారు.

ఇటీవల ఆదిలాబాద్‌ రిమ్స్‌లో జరిగిన అగ్నిప్రమాదంలో ముగ్గురు నవజాత శిశువులు మృతిచెందడాన్ని ఫిర్యాదులో ప్రధానంగా ప్రస్తావించారు. దవాఖానల్లో పరిస్థితులను చక్కదిద్దేందుకు వెంటనే చర్యలు చేపట్టాలని, సంబంధిత నివేదికను ఆంగ్లంలో అనువదించి హెచ్చార్సీ నెట్‌ పోర్టల్‌ ద్వారా నాలుగు వారాల్లోగా అందజేయాలని సీఎస్‌కు నోటీసులు జారీచేసింది.

Comments (0)

User