పోలీసు పోస్టుల్లో నాలుగు జిల్లాలకు అన్యాయం

ఎల్బీనగర్‌, అక్టోబర్‌ 6 : పోలీసు కానిస్టేబుల్‌ నియామక నోటిపికేషన్‌లో మేడ్చల్‌- మల్కాజిగిరి, రంగారెడ్డి, యాదాద్రి భువనగిరి, హైదరాబాద్‌ జిల్లాలకు పోస్టులు కేటాయిచకపోవడంపై నిరుద్యోగ అభ్యర్థులు భగ్గుమన్నారు. దిల్‌సుఖ్‌నగర్‌ చౌరస్తాలో నిరుద్యోగ అభ్యర్థులు మంగళవారం చేపట్టిన ఆందోళనకు బీఆర్‌ఎస్‌ రాష్ట్ర ప్రధాన కార్యదర్శి గౌండ్ల నాగేందర్‌గౌడ్‌ మద్దతు ప్రకటించారు.

ఆయన మాట్లాడుతూ రాష్ట్ర వ్యాప్తంగా పోలీస్‌, స్పెషల్‌ ప్రొటెక్షన్‌ ఫోర్స్‌ జైళ్లు, అగ్నిమాపక శాఖల్లోమొత్తం 7,437 పోస్టుల భర్తికి నోటిఫికేషన్‌ విడుదల చేశారు. మేడ్చల్‌- మల్కాజిగిరి, రంగారెడ్డి, యాదాద్రి భువనగిరి, హైదరాబాద్‌ జిల్లాల్లో ఖాళీలు ప్రకటించకపోవడం దురదృష్టకరమన్నారు. ప్రభుత్వం తక్షణమే స్పందించి ఆయా జిల్లాల అభ్యర్థులకు న్యాయం చేయాలని డిమాండ్‌ చేశారు.