KTR | తప్పుడు వార్తకు క్షమాపణ చెప్పాల్సిందే.. ఈనాడుకు కేటీఆర్‌ లీగల్‌ నోటీసులు

KTR | అది తెలంగాణ వ్యతిరేకత నరనరాన జీర్ణించుకున్న పత్రిక. ఈ ప్రాంతం మీద అసహనం, ఆగ్రహం, అసూయ ఏ మాత్రం దాచుకోని పత్రిక. ఇక్కడి మామిడిపండుకు గుర్తింపు వస్తే.. రసాయనాల విషమంటూ అక్కసు కక్కే పత్రిక. ఇక్కడి చెరువుల్లో మత్స్యసంపద పెరిగితే.. విషం చిమ్మిన పత్రిక. తెలంగాణ ఆవిర్భావం కాగానే శ్రీశైలం ప్రాజెక్టు కుడి, ఎడమ పక్కలు రెండూ ఏపీవేనని ప్రేలిన పత్రిక. తెలంగాణ మీద, ఉద్యమం మీద, ఉద్యమకారుల మీద చల్లని విషం లేదు. రాష్ట్ర విభజనను నిలువరించడానికి వేయని ఎత్తుగడా లేదు.

తెలంగాణ కరువు కాటకాలతో అల్లాడినా కాసింత జాగనూ ఇవ్వని ఆ పత్రిక.. కృష్ణా, గుంటూరు జిల్లాల్లో పంటల కోసం, నీళ్ల కోసం పొర్లుదండాలు పెట్టేది. ఎక్కువ కాపీల పత్రిక ముసుగులో పచ్చ పార్టీని భుజాన వేసుకొని దశాబ్దాలుగా దాస్యం చేసిన ఆ పత్రికకు బీఆర్‌ఎస్‌ పదేండ్ల పాలనలో తెలంగాణ ధగద్ధగాయమాన ప్రయాణం, గల్లా ఎగరేసిన స్వాభిమానం జీర్ణం కాలేదు. జాతీయ స్థాయిలో అనేక అవార్డులు రావడంతో నిద్రపట్టక గింజుకున్నది. తెలంగాణకు ఈ వైభవమేందని గొల్లుమన్నది. అందుకే సర్కార్‌ మారగానే పగ్గాలు పట్టుకున్న పచ్చపార్టీ మానసపుత్రుడి మీద మనసు పారేసుకున్నది. ప్రేమ జల్లుల్లో తడిసి ముద్దవుతున్నది.

బాబు ప్రియశిష్యుడిని ప్రసన్నం చేసుకునేందుకు అడ్డగోలు కతలు పడుతున్నది. అందులో భాగంగా పీఆర్వోలు వండివార్చిన కథనాలను ప్రీతిపూర్వకంగా అచ్చేస్తూ వస్తున్నది. అయితే పాపాలు పండే కాలం ఒకటి వస్తుంది. అప్పుడు దొరికిపోక తప్పదు. అదే రీతిలో కేటీఆర్‌ మీద కథనం అచ్చేసి దొరికిపోయింది. కోర్టు వ్యవహారాలకు వక్రీకరణలు జోడించి పట్టుబడింది! ఇపుడు ఫుట్‌బాల్‌ ఆడుకునే చాయిస్‌ కేటీఆర్‌ది! వ్యవస్థలన్నీ సర్కార్‌ చెప్పుచేతల్లో ఉండవచ్చు. వాటితో సర్కార్‌, దాని తైనాతీలు ఏ చాకిరీ అయినా చేయించుకోనూవచ్చు. సిగ్గు లేకుండా ఆ వ్యవస్థలు వీళ్ల చెప్పులు మోయనూ వచ్చు. కానీ దేశంలో న్యాయవ్యవస్థ మాత్రం ఇంకా నిటారుగా, నిజాయితీగా తలెత్తుకొనే ఉంది. రేపు దానిముందు తల దించుకుని, చేతులు కట్టుకుని నిలబడేందుకు ఆ పత్రిక సిద్ధం కాక తప్పదు!! తప్పదు!!

హైదరాబాద్‌, అక్టోబర్‌ 6 (నమస్తే తెలంగాణ) : తన పాస్‌పోర్టును తాతాలికంగా జప్తు చేయాలని ఏసీబీ ప్రత్యేక కోర్టు ఆదేశించినట్టు ఈనాడు దినపత్రికలో తప్పుడు వార్త ప్రచురించినందుకు బీఆర్‌ఎస్‌ వరింగ్‌ ప్రెసిడెంట్‌, మాజీ మంత్రి కల్వకుంట్ల తారకరామారావు (కేటీఆర్‌) ఆ పత్రికకు లీగల్‌ నోటీసు జారీచేశారు. సెప్టెంబర్‌ 29న ‘కేటీఆర్‌ సహా పలువురి పాస్‌పోర్టులు తాతాలిక జప్తునకు ఆదేశం’ శీర్షికతో ప్రచురితమైన వార్త వాస్తవాలకు విరుద్ధంగా ఉన్నదని పేరొంటూ కేటీఆర్‌ తరఫున న్యాయవాది ఎన్‌ లలితారెడ్డి లీగల్‌ నోటీసులు జారీచేశారు. ఈనాడు ఎడిటర్‌, పబ్లిషర్‌, ప్రింటర్‌, ప్రొప్రైటర్‌, రెసిడెంట్‌ ఎడిటర్‌, బ్యూరో చీఫ్‌, సంబంధిత రిపోర్టర్‌కు నోటీసులు పంపారు. కోర్టు ఎలాంటి ఉత్తర్వులు ఇవ్వలేదని, అయినప్పటికీ కేటీఆర్‌ పాస్‌పోర్ట్‌ జప్తుపై ఆదేశాలు వెలువడ్డాయని ప్రచురించడం ద్వారా ఆయన పరువుప్రతిష్టలకు భంగం వాటిల్లేలా చేశారని పేరొన్నారు.

పాఠకుల్లో తప్పుడు అభిప్రాయం కలిగించేలా వార్తను రాశారని అభ్యంతరం వ్యక్తంచేశారు. ఏసీబీ దర్యాప్తు అధికారి పాస్‌పోర్టులకు సంబంధించి తగిన ఆదేశాలు ఇవ్వాలని కోరుతూ ప్రత్యేక కోర్టులో మెమో దాఖలు చేసిన విషయాన్ని, కోర్టు పాస్‌పోర్ట్‌ జప్తునకు ఆదేశించినట్టుగా వార్తలో పేరొనడం మధ్య స్పష్టమైన వ్యత్యాసం ఉన్నదని న్యాయవాది తెలిపారు. కేటీఆర్‌ పాస్‌పోర్టును తాతాలికంగా జప్తు చేయాలని, స్వాధీనం చేసుకోవాలని లేదా కోర్టుకు అప్పగించాలని ప్రత్యేక కోర్టు ఎలాంటి ఉత్తర్వులు జారీ చేయలేదని పేరొన్నారు. ఈ విషయాన్ని నిర్ధారించుకోకుండా శీర్షికలోనే పాస్‌పోర్ట్‌ జప్తునకు కోర్టు ఆదేశం’ అనే పదాన్ని ఉపయోగించడం ద్వారా కోర్టు ప్రతికూల ఉత్తర్వులు ఇచ్చినట్టు ప్రజలకు తప్పుడు ప్రచారం చేసినట్టయిందని నోటీసులో తెలిపారు. వార్త ప్రచురణకు ముందు కోర్టు రికార్డులను పరిశీలించి, ఏసీబీ దాఖలు చేసిన మెమోపై కోర్టు ఏదైనా ఉత్తర్వు ఇచ్చిందా? లేదా? అన్నది నిర్ధారించుకోవాల్సిన బాధ్యత ఉన్నదని, అలా చేయకుండా తప్పుడు వార్తను ప్రచురణ చేసి కేటీఆర్‌ ప్రతిష్టకు నష్టం చేకూర్చారని స్పష్టం చేశారు.

బేషరతుగా క్షమాపణ చెప్పాలి

ఈ వార్త కేటీఆర్‌ ప్రతిష్ఠకు, ప్రజాజీవితంలో ఆయన స్థాయికి నష్టం కలిగించే అవకాశం ఉన్నదని తెలిపారు. అందువల్ల వార్తకు ఆధారమైన పత్రాలు, సమాచార వివరాలు, కోర్టు రికార్డులు, ఉత్తర్వుల కాపీలను పరిశీలించారా? లేదా? అనే విషయాలను వెల్లడించాలని నోటీసులో డిమాండ్‌ చేశారు. ప్రచురిత వార్తను వెంటనే ఉపసంహరించుకొని అదే ప్రాధాన్యంతో మొదటి పేజీలో స్పష్టమైన సవరణ వార్తను ప్రచురించాలని కోరారు. కేటీఆర్‌కు బేషరతుగా క్షమాపణ చెప్పాలని కూడా డిమాండ్‌ చేశారు. ఆన్‌లైన్‌ ఎడిషన్‌, ఈ-పేపర్‌, వెబ్‌సైట్‌, సోషల్‌ మీడియా, డిజిటల్‌ ఆరైవ్‌లలో ఉన్న సంబంధిత తప్పుడు కథనాలను తొలగించడంతోపాటు కేటీఆర్‌ తరఫు వివరణ లేదా రిజాయిండర్‌ను తగిన ప్రాధాన్యంతో ప్రచురించాలని కోరారు. వార్తకు సంబంధించిన వాట్సాప్‌ మెసేజ్‌లు, ఈమెయిల్స్‌, రిపోర్టర్‌ నోట్స్‌, రికార్డింగ్స్‌, పత్రాలు, డ్రాఫ్ట్‌లు, ఇతర ఎలక్ట్రానిక్‌ రికార్డులను భద్రపరచాలని కోరారు. నోటీసు అందిన 48 గంటల్లో డిమాండ్లను అమలు చేయకపోతే నష్టపరిహారం, ఇంజంక్షన్‌ కోసం సివిల్‌ చర్యలతోపాటు బీఎన్‌ఎస్‌ సెక్షన్‌ 356 కింద క్రిమినల్‌ పరువునష్టం చర్యలు, ప్రెస్‌ కౌన్సిల్‌ ఆఫ్‌ ఇండియా ముందు ఫిర్యాదుసహా అందుబాటులో ఉన్న చట్టపరమైన మార్గాల్లో పయనిస్తామని కేటీఆర్‌ తరఫు న్యాయవాది లలితారెడ్డి హెచ్చరించారు.

నా పాస్‌ పోర్టు విషయంలో తప్పుడు వార్త ప్రచురించిన ఈనాడు దినపత్రికకు, నా న్యాయవాది ద్వారా లీగల్‌ నోటీస్‌ పంపించాను. 50 ఏళ్ల చరిత్ర కలిగిన ఒక ప్రముఖ దినపత్రిక వాస్తవాలు నిర్ధారణ చేసుకోకుండా, తప్పుడు వార్తలు ప్రచురించడం శోచనీయం. సదరు తప్పుడు వార్తను అన్ని మాధ్యమాల నుంచి వెంటనే ఉపసంహరించుకుని, బేషరతుగా క్షమాపణ చెప్పాలని డిమాండ్‌ చేస్తున్నాను.

-ఎక్స్‌లో కేటీఆర్‌