పట్టాలు తప్పిన రైలు 50 మందికి గాయాలు
- అస్సాంలో ఘటన
డిస్పూర్‌: అస్సాంలోని కామ్రూప్‌ జిల్లాలోని దిగారు రైల్వేస్టేషన్‌ సమీపంలో బుధవారం ఉదయం రైలు ప్రమాదం జరిగింది. కోల్‌కతా-సైరాంగ్‌ ఎక్స్‌ప్రెస్‌ ఇంజిన్‌తో పాటు ఐదు బోగీలు పట్టాలు తప్పాయి. ఈ ప్రమాదంలో సుమారు 50 మంది ప్రయాణికులు గాయపడ్డారు. ఇందులో కొందరి పరిస్థితి విషమంగా ఉన్నట్టు తెలుస్తున్నది. మరో రైలుకు దారి ఇచ్చే సమయంలో రైలు వేగాన్ని నియంత్రించలేకపోవడంతో పక్క ట్రాక్‌పై ఏర్పాటు చేసిన బారికేడ్లను రైలు ఢీకొట్టిందని రైల్వేశాఖ తెలిపింది. సిగ్నల్‌ ఫెయిల్‌ అయిందని, అత్యవసర వ్యవస్థ పనిచేయట్లేదని, ఇంజిన్‌లో కొన్ని పనిచేయట్లేదంటూ లోకో పైలట్‌ ఒక వీడియోలో చెప్పడంపై తీవ్ర విమర్శలు వస్తున్నాయి.
Comments (0)