జలియన్‌ వాలాబాగ్‌లో నివాళి

16 November 2026 - 05:00
0 0
జలియన్‌ వాలాబాగ్‌లో నివాళి
02

ఇక్కడ కోకిలల కుహు కుహు స్వరాలు వినబడవు
కాకుల కావు కావుమనే కర్కశ ధ్వనులు తప్ప!
భ్రమరాలని భ్రమింపజేసే నల్లటి కీటకాలు తప్ప

విరిసీ విరియని మొక్కలు కూడా
కంటకాలలో చిక్కుకునే ఉన్నాయి
ఆ చెట్లు, పుష్పాలు ఎండిపోయాయి, మాడిపోయాయి
పరిమళ రహితమైన పుప్పొడి రేణువులు
మరకలుగా నిండిఉన్నాయి

అయ్యో!
ఈ అందమైన ఉప వనము రక్తసిక్తమైంది.
ఓ ఋతురాజా! ప్రవేశించు!! కానీ, నెమ్మదిగా…
ఇది సంతాప స్థలం సుమా
ఇక్కడ అల్లరి చేయకు..
వాయువుని మందగతితో ప్రవహింపజేయి
దుఃఖపు నిట్టూర్పులను తరిమేయి.

కోకిలల కుహు కుహురావం
ఇక్కడ ఏడుపు స్వరంలా ఉంది.
భ్రమరాల జూంకారం తమ కష్టాలను చెప్పుకుంటోంది.
చల్లని సుగంధమూ ,
హిమబిందువులతో తడిసిన
పుష్పాలను తీసుకురా!!
శ్రద్ధాంజలి ఘటిస్తూ ఆ పుష్పాలను హృదయపూర్వకంగా సమర్పించు…
అంతే మనం చేయగలిగేది.

హిందీ మూలం: సుభద్ర కుమార్‌ చౌహాన్‌
తెలుగు అనువాదం: పారనంది నిర్మల

పారనంది నిర్మల
9985103804

Comments (0)

User