ఫ్రాన్స్‌లో మళ్లీ భగ్గుమన్న నిరసనలు

16 November 2026 - 05:00
0 0
ఫ్రాన్స్‌లో మళ్లీ భగ్గుమన్న నిరసనలు
France
  • వీధుల్లోకి 1.06 లక్షల మంది ఆందోళనకారులు

పారిస్‌: ఫ్రాన్స్‌లో పెరుగుతున్న జీవన వ్యయం, ప్రభుత్వ ప్రజాసేవల్లో సమస్యలను నిరసిస్తూ ప్రజలు మరోసారి భారీ ఆందోళనలకు దిగారు. శనివారం దేశవ్యాప్తంగా ఆందోళనల్లో సుమారు 1.06 లక్షల మంది పాల్గొన్నట్లు ఆ దేశ అంతర్గత వ్యవహారాల శాఖ తెలిపింది. ఒక్క పారిస్‌ నగరంలోనే 24 వేల మంది ర్యాలీ చేపట్టారు. ఈ సందర్భంగా దేశవ్యాప్తంగా పోలీసులు 219 మందిని అరెస్టు చేశారు.

గత నిరసనలతో పోలిస్తే అరెస్టుల సంఖ్య కాస్త తగ్గింది. పలు ప్రాంతాల్లో ప్రదర్శనలు ప్రశాంతంగా సాగినప్పటికీ.. పారిస్‌, బోర్డియక్స్‌, పశ్చిమ ఫ్రాన్స్‌లోని నాంటెస్‌ నగరాల్లో ఉద్రిక్తంగా మారింది. కొందరు నిరసనకారులు బాణసంచా కాల్చడంతో పోలీసులు బాష్పవాయువు ప్రయోగించారు. యూరోపియన్‌ యూనియన్‌లోని ఫ్రాన్స్‌ లో నెల రోజులకుపైగా నిరసనలు కొనసాగుతున్నాయి. సెప్టెంబర్‌లో ఉపాధ్యాయుల కొరత, పాఠశాలల్లో సరైన సౌకర్యాలు లేకపోవడంపై విద్యార్థులు ఆందోళనలు ప్రారంభించారు.

Comments (0)

User