కోదాడ కిట్స్‌లో ప్రాంగణ ఎంపికలు.. 44 మందికి ఉద్యోగాలు

కోదాడ‌, న‌వంబ‌ర్ 12 : కోదాడ‌ కిట్స్ మహిళా ఇంజినీరింగ్ కళాశాలలో గురువారం నిర్వహించిన ప్రాంగణ నియామకాల్లో 44 మంది విద్యార్థినులు ఉద్యోగాలకు ఎంపికైనట్లు కళాశాల ప్రిన్సిపాల్ డాక్టర్ పెరుమాళ్లపల్లి గాంధీ తెలిపారు. హైదరాబాద్‌కు చెందిన ప్రముఖ ఉత్పత్తి రంగ సంస్థ ఎంఆర్‌ఎఫ్ ఆధ్వర్యంలో కళాశాలలో ప్రాంగణ నియామకాలు నిర్వహించారు. సంస్థ మానవ వనరుల అధికారి విజయకుమార్ నేతృత్వంలో జరిగిన ఈ ఎంపిక ప్రక్రియలో కళాశాలకు చెందిన 44 మంది విద్యార్థినులు ఉద్యోగాలకు ఎంపికయ్యారు. ఎంపికైన విద్యార్థినులకు సంవత్సరానికి రూ.3,50,000 వేతనం అందించనున్నట్లు వెల్లడించారు. ఈ సందర్భంగా కళాశాల చైర్మన్ నీలా సత్యనారాయణ ఎంపికైన విద్యార్థినులను అభినందించారు. టీపీఓ పుష్పలత, వివిధ విభాగాల అధిపతులు, అధ్యాపకులు హర్షం వ్యక్తం చేస్తూ విద్యార్థినులను అభినందించారు.