కేజ్రీవాల్‌ను చంపేస్తామంటూ బెదిరింపు
మొహాలీ: ఆప్‌ అధినేత అరవింద్‌ కేజ్రీవాల్‌, ఆయన కుమార్తె హర్షిత కేజ్రీవాల్‌ను చంపేస్తామని బెదిరిస్తూ అగంతకుడు రూ.7 కోట్లు డిమాండ్‌ చేసినట్లు ఢిల్లీ ఆప్‌ ఎమ్మెల్యే జర్నైల్‌ సింగ్‌ ఫిర్యాదు చేయడంతో మొహాలీ పోలీసులు కేసు నమోదు చేశారు. లారెన్స్‌ బిష్ణోయ్‌ గ్యాంగ్‌కు చెందిన వ్యక్తినని చెప్పుకుంటూ, శుక్రవారం తన మొబైల్‌ ఫోన్‌కు ఎవరో కాల్‌ చేయడంతోపాటు వాట్సాప్‌ సందేశం పంపినట్లు సింగ్‌ తన ఫిర్యాదులో పేర్కొన్నారు. కేజ్రీవాల్‌ తనకు రూ.7 కోట్లు చెల్లించకపోతే ఆయనను, ఆయన కుమార్తెను చంపేస్తామని ఆ వ్యక్తి బెదిరించినట్లు సింగ్‌ తెలిపారు.
Comments (0)