‘ఏఐటీయూసీ 43వ జాతీయ మహాసభలను జయప్రదం చేయండి’

– ఈ 22న బెంగళూరులో భారీ కార్మిక ప్రదర్శన, బహిరంగ సభ
– జిల్లా నుంచి కార్మికులు అధిక సంఖ్యలో తరలిరావాలి
– ఏఐటీయూసీ రాష్ట్ర డిప్యూటీ ప్రధాన కార్యదర్శి పల్లా దేవేందర్ రెడ్డి
రామగిరి, నవంబర్ 21 : బెంగళూరులో ఈ నెల 22 నుండి 26 వరకు జరిగే ఏఐటీయూసీ 43వ జాతీయ మహాసభలను జయప్రదం చేయాలని ఏఐటీయూసీ రాష్ట్ర డిప్యూటీ ప్రధాన కార్యదర్శి పల్లా దేవేందర్ రెడ్డి కార్మికులకు పిలుపునిచ్చారు. ఈ మేరకు ఆయన శనివారం ఒక ప్రకటన విడుదల చేశారు. ఈ 22న బెంగళూరులో భారీ కార్మిక ప్రదర్శనతో పాటు బహిరంగ సభ నిర్వహించనున్నట్లు తెలిపారు. ఈ సభకు దేశ వ్యాప్తంగా కార్మికులు పెద్ద సంఖ్యలో హాజరుకానున్నారని, నల్లగొండ జిల్లా నుంచి కూడా కార్మికులు అధిక సంఖ్యలో తరలివచ్చి సభలో పాల్గొనాలని కోరారు.
కేంద్ర ప్రభుత్వం తీసుకొచ్చిన నాలుగు లేబర్ కోడ్లకు వ్యతిరేకంగా దేశ వ్యాప్తంగా పోరాటాలను మరింత ఉధృతం చేయాల్సిన అవసరం ఉందన్నారు. ఈ అంశాలతో పాటు కార్మికులు ఎదుర్కొంటున్న వివిధ సమస్యలపై జాతీయ మహాసభల్లో విస్తృతంగా చర్చించి భవిష్యత్ ఉద్యమ కార్యాచరణ రూపొందించనున్నట్లు తెలిపారు. కనీస వేతన చట్టాలను సమర్థవంతంగా అమలు చేయడంలో పాలకులు విఫలమయ్యారని ఆరోపించారు. కాంట్రాక్టు, ఔట్సోర్సింగ్ వ్యవస్థలను రద్దు చేసి ఆయా విభాగాల్లో పనిచేస్తున్న కార్మికులందరినీ పర్మినెంట్ చేయాలని ప్రభుత్వాన్ని డిమాండ్ చేశారు. కార్మికుల శ్రమకు తగిన గుర్తింపు, వేతనాలు, ఉద్యోగ భద్రత కల్పించాలని కోరారు.
Comments (0)