హుడా ట్రక్‌ పార్కు స్థలం అమ్మొద్దు

18 November 2026 - 03:00
0 0
హుడా ట్రక్‌ పార్కు స్థలం అమ్మొద్దు
Huda
  • 26 కాలనీల మహిళల క్యాండిల్‌ ర్యాలీ
  • సంఘీభావం తెలిపిన బీఆర్‌ఎస్‌ నేతలు

కేపీహెచ్‌బీ కాలనీ, నవంబర్‌ 17: కూకట్‌పల్లిలో హుడా ట్రక్‌పార్కు స్థలం వేలంపాటను నిలిపివేయాలని మాజీ కార్పొరేటర్‌ జూపల్లి సత్యనారాయణడిమాండ్‌ చేశారు. మంగళవారం రాత్రి కూకట్‌పల్లి హుడా ట్రక్‌ పార్క్‌ భూముల వేలంపాటను నిరసిస్తూ..26 కాలనీల మహిళలు, చిన్నారులు క్యాండిల్‌ (కొవ్వొత్తుల) ర్యాలీని నిర్వహించారు. ఈ ప్రజా ఉద్యమానికి మాజీ కార్పొరేటర్‌ సత్యనారాయణ, బీఆర్‌ఎస్‌ నేతలు సంఘీభావం తెలిపారు.

ఈ సందర్భంగా వారు మాట్లాడుతూ..కూకట్‌పల్లిలో ఈ స్థలాన్ని గతంలో అమ్మకానికి పెడితే ఎమ్మెల్యే కృష్ణారావు సహకారంతో అడ్డుకున్నట్లు తెలిపారు. ప్రజా నిర్ణయానికి విరుద్దంగా ప్రభుత్వం మొండిగా ముందుకు పోతే.. ప్రజలతో కలిసి ఉద్యమాలు చేస్తామని, నిరాహార దీక్ష చేపట్టి స్థలాన్ని కాపాడుకుంటామని తెలిపారు. ప్రభుత్వం స్థలాన్ని వేలంపాటను ఆపి, ప్రజా ప్రయోజనాల కోసం కేటాయించాలనిడిమాండ్‌ చేశారు. ఈ కార్యక్రమంలో నేతలు ఆనంద్‌, విష్ణు, ప్రభాకర్‌, చైతన్యయాదవ్‌, సంతోష్‌ యాదవ్‌ తదితరులు పాల్గొన్నారు.

Comments (0)

User