మాడల్ స్కూల్ టీచర్ల సమరభేరి

- విద్యాశాఖ డైరెక్టరేట్పై దండయాత్ర
- సమస్యలు పరిష్కరించాలని డిమాండ్
హైదరాబాద్, నవంబర్ 17 (నమస్తే తెలంగాణ): సకాలంలో అందని వేతనాలు, 12 ఏండ్లుగా పత్తాలేని ఉద్యోగోన్నతులు, నిలిచిపోయిన ఇంక్రిమెంట్లు, ఆరోగ్యభద్రత కరువు.. ఇలా ఎన్నో సమస్యలతో సతమతమవుతున్న మాడల్ స్కూల్ టీచర్లు రోడ్డెక్కారు. దీర్ఘకాలికంగా పెండింగ్లో ఉన్న సమస్యలను పరిష్కరించాలని కోరుతూ సమరశంఖం పూరించారు. స ర్కార్ నిర్లక్ష్య వైఖరిని నిరసిస్తూ మంగళవా రం మాడల్ స్కూల్ జేఏసీ ఆధ్వర్యంలో సై ఫాబాద్లోని విద్యాశాఖ డైరెక్టరేట్ను ము ట్టడించారు. అక్కడే ధర్నాకు దిగారు. 6-12వ తరగతి వరకు బోధిస్తున్నా తమకు న్యాయం జరుగడం లేదని జేఏసీ నాయకులు భూతం యాకమల్లు, తరాల జగదీశ్ ఆవేదన వ్యక్తంచేశారు.
గత్యంతరం లేకే ఉద్యమానికి దిగాల్సి వచ్చిందని తెలిపారు. 50 మందివరకు ఉద్యోగులు చనిపోతే కారుణ్య కోటాలో ఉద్యోగాలు ఇవ్వలేదని.. ఆయా కుటుంబాలు బిక్కుబిక్కుమంటూ గడుపుతున్నాయని ఆవేదన వ్యక్తంచేశారు. ఆరోగ్యశ్రీ, ఈహెచ్ఎస్ కూడా తమకు వర్తించడం లేదని అన్నారు. డీఏ ఎరియర్స్ ఇవ్వడం లేదని, ఒక్కోటీచర్కు 3 లక్షలు రావాల్సి ఉన్నదని తెలిపారు. అవర్లీ బేస్డ్ విధానాన్ని రద్దు చేయాలని డిమాండ్ చేశారు. ఆందోళన చేస్తున్న టీచర్లను పోలీసులు అరెస్టు చేసి బేగంపేట, గోషామహల్ స్టేషన్లకు తరలించారు. అంతకుముందు టీచర్లంతా పాఠశాల విద్యాశాఖ డైరెక్టర్ న వీన్ నికోలస్కు వినతిపత్రం ఇచ్చారు. టీచర్లను అరెస్టు చేయడం అప్రజాస్వామికమ ని ఎమ్మెల్సీ మల్క కొమురయ్య అన్నారు. ఉద్యోగ భద్రత, 010 పద్దు ద్వారా వేతనాల చెల్లింపుపై సానుకూల నిర్ణయం తీసుకోవాలని డిమాండ్ చేశారు.
Comments (0)