సమ్మిట్‌తో ప్రజలకు ఒరిగింది ఏమిటి?

16 November 2026 - 09:00
0 0
సమ్మిట్‌తో ప్రజలకు ఒరిగింది ఏమిటి?
01
  • ఉపాధి అవకాశాలపై సమగ్ర  నివేదిక విడుదల చేయాలి
  • మాజీ ఎమ్మెల్యే గొంగిడి సునీతామహేందర్‌రెడ్డి

యాదాద్రి భువనగిరి, నవంబర్‌ 15 (నమస్తే తెలంగాణ) : రైతులకు నష్టపరిహారం చెల్లించాలన్నా, సంక్షేమ పథకాలు అమలు చేయాలన్నా తెలంగాణ ఆర్థిక పరిస్థితి అనుకూలంగా లేదని పదేపదే చెబుతున్న ముఖ్యమంత్రి రేవంత్‌రెడ్డి గ్లోబల్‌ సమ్మిట్‌ రూ.50 కోట్లు ఎలా ఖర్చుచేశారని మాజీ విప్‌, ఆలేరు మాజీ ఎమ్మెల్యే గొంగిడి సునీతామహేందర్‌రెడ్డి ప్రశ్నించారు. కరుపు పరిస్థితుల్లో నిర్వహించిన గ్లోబల్‌ సమ్మిట్‌ కోసం రూ.50 కోట్లు ఖర్చు చేయడంపై ప్రజలకు సమాధానం చెప్పాలని డిమాండ్‌ చేశారు. ఆదివారం స్థానికంగా ఆమె మీడియాతో మాట్లాడారు.

ప్రజాధనంతో అంతర్జాతీయ సదస్సు నిర్వహించడంవల్ల రాష్ట్ర ప్రజలకు కలిగిన ప్రయోజనాలేమిటని ప్రశ్నించా రు. ఈ సదస్సు ద్వారా ఎన్ని దేశాల ప్రతినిధులు పాల్గొన్నారు? ఎన్ని పెట్టుబడులొచ్చాయి? ఎన్ని పరిశ్రమలు రానున్నాయి? ఎంతమందికి ఉపాధి దొరుకుతుంది? అనే వివరాలను ప్రభు త్వం సమగ్ర నివేదిక రూపంలో ప్రజల ముందు ఉంచాలని పేర్కొన్నారు.

Comments (0)

User