విద్యార్థినిపై లైంగిక వేధింపులు: పీఈటీపై పోక్సో కేసు

ఖమ్మం అర్బన్/ మామిళ్లగూడెం, నవంబర్ 19 : ఓ విద్యార్థిని పట్ల వ్యాయామ ఉపాధ్యాయుడు అసభ్యకరంగా ప్రవర్తించిన ఘటన ఖమ్మంలో నగరంలో గురువారం ఆలస్యంగా వెలుగులోకి వచ్చింది. పాఠశాలలో 6వ తరగతి చదువుతున్న ఓ విద్యార్థిని పట్ల అదే పాఠశాలలో పీఈటీగా పనిచేస్తున్న భూక్యా నాగేశ్వరరావు రెండు రోజుల క్రితం అసభ్యంగా ప్రవర్తించాడు. బాలిక తన తల్లిదండ్రులకు విషయాన్ని చెప్పడంతో వారు మరుసటిరోజు పాఠశాలకు చేరుకొని యాజమాన్యాన్ని ప్రశ్నించారు. నిందితుడిపై చర్యలు తీసుకుంటామని యాజమాన్యం చెప్పడంతో వెళ్లిపోయారు. గురువారం తల్లిదండ్రులు, బంధువులు నిందితుడిని నిలదీసేందుకు మళ్లీ వెళ్లగా అతడు పాఠశాలకు రాలేదు. విద్యార్థి సంఘాల నాయకులు, విద్యార్థిని తల్లిదండ్రులు పాఠశాల ఎదుట ధర్నా నిర్వహించారు. విద్యార్థిని పట్ల అసభ్యంగా ప్రవర్తించిన ఘటనలో వన్టౌన్ పోలీస్స్టేషన్లో విద్యార్థిని తల్లిదండ్రులు పీఈటీపై ఫిర్యాదు చేశారు. నిందితుడిపై పోక్సో కేసు నమోదు చేసినట్టు సీఐ సాదిక్ పాషా తెలిపారు.
Comments (0)