తొలి టెస్టులో సౌతాఫ్రికా గెలుపు

జోహన్నెస్బర్గ్: సొంతగడ్డపై బంగ్లాదేశ్తో జరిగిన తొలి టెస్టులో సౌతాఫ్రికా ఘనవిజయం సాధించింది. గురువారం ఉదయం సెషన్లోనే ముగిసిన మ్యాచ్లో సఫారీ జట్టు 9 వికెట్ల తేడాతో ప్రత్యర్థిని ఓడించి రెండు మ్యాచ్ల సిరీస్లో 1-0 ఆధిక్యం సాధించింది.
ఆట ఆఖరిరోజు ఓవర్ నైట్ స్కోరు 100/5తో క్రీజులోకి వచ్చిన బంగ్లాదేశ్ ప్రతిఘటన లేకుండానే సఫారీ స్పిన్నర్ సిమోన్ హార్మర్ (5/51) స్పిన్ మాయకు కుదేలైంది. హార్మర్ ధాటికి ఆ జట్టు 168 పరుగులకే ఆలౌటైంది. ఆదుకుంటారనుకున్న ముష్ఫీకర్ రహీమ్ (22), లిటన్ దాస్ (39) విఫలమయ్యారు. అనంతరం 12 పరుగుల నామమాత్రపు లక్ష్యాన్ని సఫారీలు ఒక వికెట్ కోల్పోయి ఛేదించారు.
Comments (0)