వీసీ జానయ్యను వెంటనే సస్పెండ్ చేయాలి

- టాసా నేతల హామీ మేరకు బాధితురాలి తల్లి లక్ష్మి దీక్ష విరమణ
వ్యవసాయ యూనివర్సిటీ , నవంబర్ 19 (నమస్తే తెలంగాణ): ప్రొఫెసర్ జయశంకర్ తెలంగాణ వ్యవసాయ విశ్వవిద్యాలయం వీసీ అల్దాస్ జానయ్యపై లైంగిక వేధింపుల ఆరోపణతో గురువారం ముసారాంబాగ్లో బాధితురాలు తేజశ్రీ తల్లి లక్ష్మి మూడోరోజు దీక్ష కొనసాగించగా, ఆమె ఆరోగ్యం క్షీణించడంతో యూనివర్సిటీ టీచింగ్, నాన్టీచింగ్, విద్యార్థినేతలు అక్కడకు చేరుకుని, తేజశ్రీకి న్యాయం జరిగేవరకు అండగా ఉంటామని అన్నారు. ప్రభుత్వం, రాష్ట్ర గవర్నర్ ప్రత్యేక కమిటీలపై తమకు నమ్మకం ఉందని, త్వరలోనే తేజశ్రీకి న్యాయం జరిగే అవకాశం ఉందని తెలిపారు. వీసీ జానయ్య మొండివైఖరి వీడి స్వచ్ఛందంగా పదవి నుంచి తప్పుకొని సహకరించాలని డిమాండ్ చేశారు. అనంతరం టాసా అధ్యక్షుడు పవన్ చంద్రారెడ్డి తేజశ్రీ తల్లి లక్ష్మికి నిమ్మరసరం ఇచ్చి దీక్ష విరమింపజేశారు.
Comments (0)