రేవంత్‌ కుటుంబ అవినీతిని ప్రశ్నిస్తే పోలీస్‌ కేసులా?
- టీజీపీఎస్సీ మాజీ సభ్యురాలు సుమిత్రానంద్‌
హైదరాబాద్‌, అక్టోబర్‌ 6 (నమస్తే తెలంగాణ) : ముఖ్యమంత్రి రేవంత్‌రెడ్డి కుటుంబ సభ్యుల అవినీతిని ప్రశ్నించిన దళిత నేత క్రిశాంక్‌ను పోలీసులు అకారణంగా అరెస్టు చేసి వేధించడం తగదని టీజీపీఎస్సీ మాజీ సభ్యురాలు సుమిత్రానంద్‌ హెచ్చరించారు. రేవంత్‌రెడ్డి కుటుంబ సభ్యుల అవినీతి గురించి ఎవరూ ప్రశ్నించకూడదా? అని నిలదీశారు.
తెలంగాణభవన్‌లో మంగళవారం ఆమె బీఆర్‌ఎస్‌ మహిళానేతలు మమత, అన్నపూర్ణ, షకీలారెడ్డితో కలిసి మీడియాతో మాట్లాడారు. తన కుమార్తె నైనీషారెడ్డి విద్యాసంస్థలపై నిజమేమిటో? అబద్ధమేమిటో రేవంత్‌రెడ్డే చెప్పాలని డిమాండ్‌ చేశారు.
Comments (0)