రామాంజనేయ కాలనీలో పోలీసుల కార్డన్ అండ్ సెర్చ్

19 November 2026 - 15:30
0 0
రామాంజనేయ కాలనీలో పోలీసుల కార్డన్ అండ్ సెర్చ్
రామాంజనేయ కాలనీలో పోలీసుల కార్డన్ అండ్ సెర్చ్

చుంచుపల్లి, నవంబర్ 19 : కొత్తగూడెం డీఎస్పీ ఆదినారాయణ ఆధ్వర్యంలో గురువారం తెల్లవారుజామున చుంచుపల్లి పోలీస్ స్టేషన్ పరిధిలోని రామాంజనేయ కాలనీలో పోలీసులు కార్డన్ అండ్ సెర్చ్ ఆపరేషన్ నిర్వహించారు. ఈ కార్యక్రమంలో సుమారు 80 మంది పోలీసు సిబ్బంది పాల్గొన్నారు. దాదాపు 100 ఇళ్లను తనిఖీ చేయడంతో పాటు 54 ద్విచక్ర వాహనాలు, 8 ఆటోలను పరిశీలించారు. తనిఖీల్లో సుమారు 120 ఐఎంఎఫ్ఎల్ మద్యం బాటిళ్లను గుర్తించి నాలుగు కేసులు నమోదు చేశారు. నిబంధనల ఉల్లంఘనలకు సంబంధించి 45 జరిమానాలు విధించారు. ఈ సందర్భంగా డీఎస్పీ ఆదినారాయణ కాలనీవాసులకు మాదకద్రవ్యాల దుష్ప్రభావాలు, మూఢనమ్మకాలు, రహదారి భద్రత, సైబర్ నేరాల నివారణపై అవగాహన కల్పించారు.

రామాంజనేయ కాలనీలో పోలీసుల కార్డన్ అండ్ సెర్చ్

రామాంజనేయ కాలనీలో పోలీసుల కార్డన్ అండ్ సెర్చ్

ప్రజలు గుర్తు తెలియని లింకులు క్లిక్ చేయవద్దని, ఓటీపీ, బ్యాంకు వివరాలు ఇతరులతో పంచుకోవద్దని సూచించారు. వాహనదారులు హెల్మెట్, సీటు బెల్ట్ ధరించి ట్రాఫిక్ నిబంధనలు పాటించాలని, మద్యం సేవించి వాహనాలు నడపవద్దని తెలిపారు. ఇళ్ల వద్ద సీసీ కెమెరాలు ఏర్పాటు చేసుకోవాలని, కాలనీల్లో అనుమానాస్పద వ్యక్తులు కనిపిస్తే వెంటనే పోలీసులకు సమాచారం అందించాలని కోరారు. ప్రజల భద్రత, శాంతిభద్రతల పరిరక్షణలో పోలీసులకు సహకరించాలని విజ్ఞప్తి చేశారు. డీఎస్పీ వెంట సబ్ డివిజన్ సిఐలు శ్రీలక్ష్మి, వెంకటేశ్వర్లు, యాసీన్, జితేందర్, ఇంద్రసేనారెడ్డి ఇతర పోలీస్ సిబ్బంది ఉన్నారు.

Comments (0)

User