‘ఇబ్బందులు ఎదురైతే భయపడకుండా తెలుపాలి’

20 November 2026 - 18:30
0 0
‘ఇబ్బందులు ఎదురైతే భయపడకుండా తెలుపాలి’
'ఇబ్బందులు ఎదురైతే భయపడకుండా తెలుపాలి'

– భరోసా ఇన్‌చార్జ్ ఎస్‌ఐ చల్లా అరుణ
– రుద్రపురం సెయింట్ జోసెఫ్ పాఠశాలలో అవగాహన కార్యక్రమం

రుద్రంపూర్, నవంబర్ 20 : భద్రాద్రి కొత్తగూడెం జిల్లా రుద్రపురంలోని సెయింట్ జోసెఫ్ పాఠశాలలో ఈ రోజు భరోసా టీమ్ ఆధ్వర్యంలో విద్యార్థులకు అవగాహన కార్యక్రమం నిర్వహించారు. ఈ కార్యక్రమంలో భరోసా ఇన్‌చార్జ్ ఎస్‌ఐ చల్లా అరుణ పాల్గొని విద్యార్థులను ఉద్దేశించి మాట్లాడారు. ప్రస్తుత కాలంలో బాలబాలికలు సోషల్ మీడియా, మొబైల్ ఫోన్ల వినియోగంలో ఎంతో అప్రమత్తంగా ఉండాలని సూచించారు. తెలియని వ్యక్తులతో సోషల్ మీడియాలో పరిచయాలు పెంచుకోవడం, వ్యక్తిగత ఫొటోలు, వివరాలు పంచుకోవడం వంటి వాటికి దూరంగా ఉండాలని తెలిపారు. మొబైల్ ఫోన్లను అవసరమైన మేరకే వినియోగించాలని, సైబర్ నేరాలు, ఆన్‌లైన్ మోసాల పట్ల జాగ్రత్తగా ఉండాలని సూచించారు.

అలాగే పిల్లల భద్రత కోసం తల్లిదండ్రుల పర్యవేక్షణ ఎంతో ముఖ్యమని, పిల్లల ప్రవర్తన, వారి ఆన్‌లైన్ కార్యకలాపాలపై తల్లిదండ్రులు ఎప్పటికప్పుడు దృష్టి సారించాలని పేర్కొన్నారు. బాలలపై జరిగే లైంగిక నేరాల నుండి రక్షణ కల్పించే పోక్సో (POCSO) చట్టం గురించి వివరించారు. ఏదైనా వేధింపులు లేదా ఇబ్బందులు ఎదురైతే భయపడకుండా తల్లిదండ్రులు, ఉపాధ్యాయులు లేదా సంబంధిత అధికారులకు తెలియజేయాలని విద్యార్థులకు సూచించారు. ఈ సందర్భంగా భరోసా కేంద్రం ద్వారా బాధితులకు అందించే సేవలు, ఫిలిప్ క్రిస్టల్ పద్ధతి, టి-సేఫ్ యాప్ వినియోగం తదితర అంశాలపై కూడా విద్యార్థులకు అవగాహన కల్పించారు. ఈ కార్యక్రమంలో భరోసా కోఆర్డినేటర్ సుమలత, మల్టీపర్పస్ హెల్త్ వర్కర్ సంధ్యారాణి, పాఠశాల ప్రిన్సిపాల్ బ్రదర్ రాజశేఖర్ రెడ్డి, పాఠశాల యాజమాన్యం, ఉపాధ్యాయులు, విద్యార్థులు పాల్గొన్నారు.

Comments (0)

User